"قازگيدرومەتتىڭ" حابارلاۋىنشا 30 شىلدە مەن 1 تامىز كۇندەرى ەلىمىز بويىنشا اۋا رايى وزگەرەدى, - دەپ جازادى Egemen.kz
الداعى كۇندەردە اتموفەرالىق فرونتالدى بولىكتەردىڭ وتۋىمەن رەسپۋبليكانىڭ كەي جەرلەرىندە وتكىنشى جاڭبىر, 30 شىلدەدە شىعىستا كەي جەرلەردە قاتتى جاڭبىر كۇتىلەدى. تەك سولتۇستىك جانە وڭتۇستىك-باتىس وڭىرلەردە جاۋىن-شاشىنسىز اۋا رايى, يران ايماعىنان جىلى اۋا ماسسالارىنىڭ شىعۋىمەن اۋا تەمپەراتۋراسىنىنىڭ بىرتىندەپ جوعارىلاۋى كۇتىلەدى. رەسپۋبليكانىڭ كەي جەرلەرىندە كۇن كۇركىرەپ, داۋىلدى جەل تۇرىپ, بۇرشاقتىڭ ءتۇسۋى ىقتيمال.