اقش كوروناۆيرۋسقا قارسى ۆاكتسينا سىناعىنىڭ ءۇشىنشى كەزەڭىنە كوشتى. قورىتىندى تاجىريبەگە 30 مىڭنان استام ەرىكتى قاتىسادى, - دەپ حابارلايدى Egemen.kz.
الەمدەگى ەڭ اۋقىمدى زەرتتەۋ جۇمىستارىن مايامي ۋنيۆەرسيتەتىنىڭ عالىمدارى جۇرگىزىپ جاتىر. العاشقى ناتيجە بىرنەشە ايدان كەيىن بەلگىلى بولادى. ۆاشينگتون اتالعان جوباعا 900 ميلليون دوللار بولەدى.
ال ەۋروپالىق ۆاكتسينا 2021 جىلدىڭ قاڭتارىنان باستاپ ساتىلىمعا شىعۋى مۇمكىن. ونى وكسفورد ۋنيۆەرسيتەتىمەن بىرلەسە وتىرىپ شۆەتسيا, يتاليا عالىمدارى جاساپ شىعارعان. پرەپاراتتىڭ 30 ميلليون دوزاسىن ءوندىرۋ جوسپارلانىپ وتىر. ەۋروپالىق وداق ۆاكتسينانى الدىمەن كوروناۆيرۋس جۇقتىرۋ قاۋپى باسىم توپتارعا بەرۋگە شەشىم قابىلداعان.
رەسەيدە دە اتالمىش ۆاكتسينا سىناعىنىڭ اقتىق كەزەڭى باستالدى. وعان 1600 ەرىكتى قاتىسۋعا كەلىسىم بەرگەن. مامانداردىڭ حابارلاۋىنشا, دارىلىك زات تامىزدىڭ ورتاسىندا رەسمي تىركەلەدى.