جۋىردا تاراز قالاسى اكىمدىگىنىڭ جەدەل شتابى وڭىردەگى بۇقارالىق اقپارات قۇرالدارىنىڭ وكىلدەرىمەن بىرلەسىپ, وبلىس ورتالىعىنداعى بىرقاتار دارىحانالارعا كۇندىزگى زەردەلەۋ جۇمىستارىن جۇرگىزدى, - دەپ حابارلايدى Egemen.kz
زەردەلەۋ ناتيجەسىندە كوپتەگەن ءدارىحانالاردا حالىق كوپ قولداناتىن انتيبيوتيكتەر, ۆيرۋسقا قارسى جانە ىستىقتى تۇسىرەتىن ءدارى-دارمەكتەر جوق بولىپ شىقتى. الايدا, اتالعان دارىلەردىڭ ورنىن الماستىرۋشى پرەپاراتتار بار ەكەن. ايتا كەتۋ كەرەك, قالاداعى بارلىق ءدارىحانالاردا بەتپەردە جەتكىلىكتى, بۇرىنعىداي ۇزىن-سونار كەزەك جوق.
سونىمەن قاتار, تاراز قالاسى اكىمىنىڭ ورىنباسارى الماس سادۋباەۆ كارانتيندىك رەجيمنىڭ ساقتالۋىن قاداعالاۋ ماقساتىندا جەدەل شتاب, قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ جەتەكشى ماماندارى جانە ۋچاسكەلىك پوليتسيا قىزمەتكەرلەرىمەن بىرىگىپ تۇنگى رەيد جۇمىستارىن جۇرگىزدى.
ناتيجەسىندە, باۋىرجان مومىش ۇلى اتىنداعى "جەڭىس" ساياباعى مەن قايرات رىسقۇلبەكوۆ اتىنداعى ساياباقتا كارانتيندىك تالاپتاردى ساقتاماي, مەديتسينالىق ماسكاسىز جۇرگەن قالا تۇرعىندارى انىقتالعان. سونداي-اق, بەلگىلەنگەن ۋاقىتتان تىس جۇمىس ىستەپ تۇرعان دۇڭگىرشەكتەرگە ەسكەرتۋ جاسالدى. تاعى دا كارانتين تالاپتارىن ساقتاماعان "Villa" كافەسى, سىراحانالار مەن دۇكەندەرگە قاتىستى حاتتامالار تولتىرىلدى.
جامبىل وبلىسى