ايماقتار اۋرۋمەن كۇرەستە جۇيەلى جۇمىس جۇرگىزىپ جاتىر. ەكى اپتالىق كارانتين رەجيمى پايداسىن كورسەتىپ, قازىر وڭ وزگەرىستەر بايقالادى. اسىرەسە, احۋالى كەرى كورسەتكىش بەرگەن وبلىستاردا ەپيدەميالوگيالىق احۋال تۇراقتالعان,- دەپ حابارلايدى Egemen.kz.
اتىراۋدا كوروناۆيرۋس جۇقتىرعاندار سانى 9 ەسەگە ازايعان. كارانتيندىك ورىندار تولىق جابىلدى. جەدەل جاردەم شاقىرتۋلارى دا 25%-كە كەمىگەن. تەك دارىگەر جەتىسپەۋشىلىگى ءالى دە بايقالادى. اتىراۋعا ءالى 300-دەي مامان كەرەك. ماسەلەنى وڭ شەشۋ ءۇشىن, فەكتسيامەن كۇرەسكە مەدۋنيۆەرسيتەتتىڭ جوعارى كۋرس ستۋدەنتتەرى تارتىلعان.
ماڭعىستاۋدا دا وڭ وزگەرىس بار. اقتاۋدا ءجۇز ورىندىق پروۆيزورلىق ستاتسيونار جۇمىسى توقتاتىلدى. جەدەل جاردەمگە جۇگىنۋشىلەر 45%-عا قىسقاردى. پتر-تەست جەتكىلىكتى. ءدارى-دارمەككە جەرگىلىكتى بيۋدجەتتەن 300 ملن تگ ءبولىندى. وڭىردە دەنساۋلىق ساقتاۋ ۇيىمدارىندا كيسلورودتىق قۇرىلعى ورناتۋعا 7 نىسان كوزدەلگەن.
قاراعاندىدا دا ءورشىپ كەتكەن اۋرۋدىڭ بەتى قايتتى. رەسپۋبليكادا ءولىم-ءجىتىم كورسەتكىشىسىنە سايكەس ەكىنشى ورىندا تۇرعان. سوڭعى ەكى اپتادا احۋال وڭالعان بۇگىندە ەمدەۋ مەكەمەلەرىندەگى توسەك-ورىنداردىڭ جارتىسى بوس تۇر.
شەكتەۋدەن كەيىن شىمكەنتتە دە جاعداي ەداۋىر جاقسارعان. اي باسىندا ەم الۋشىلار سانى 3 مىڭعا جۋىقتاعان ەدى. قازىر كەمىدى.