Jas Otan جاستار قاناتى وڭىرلىك فيليالىنىڭ مۇشەلەرى «دارىگەرلەرگە مىڭ العىس» اكتسياسىن يساتاي اۋدانىندا جالعاستىردى. اۋداندىق جاستار رەسۋرستىق ورتالىعى جەتەكشىسىنىڭ مىندەتىن اتقارۋشى جانسايا رىسقاليەۆانىڭ ايتۋىنشا, مۇندا ەرىكتى جاستار قاۋىپتى ىندەتپەن كۇنى-ءتۇنى كۇرەستىڭ العى شەبىندە جۇرگەن 30 مەديتسينا قىزمەتكەرىنە «دەنساۋلىق» سەبەتىن تاپسىردى.
– بۇل اكتسيا «دارىگەرگە مىڭ العىس» دەگەن اتاۋمەن سىزدەرگە ارنالىپ وتىر. ويتكەنى ەلىمىزدەگى ەپيدەميالىق جاعدايدى سىزدەردەن ارتىق بىلەر جان جوق. قازىر ەلىمىزدە كورىنبەيتىن «جاۋمەن» كۇرەس ءجۇرىپ جاتىر. وسى كۇرەستە حالقىمىزدىڭ دەنساۋلىعى ءۇشىن جان اياماي ەڭبەك ەتىپ جۇرگەن سىزدەرگە العىسىمىز شەكسىز, – دەدى يساتاي اۋداندىق ىشكى ساياسات ءبولىمىنىڭ باسشىسى ارمانبەك ماحمۋدوۆ.
تۇرعىنداردىڭ ساۋلىعىن ساقتاۋعا ۇلەس قوسىپ جۇرگەن اق حالاتتىنىڭ ءبىرى – اۋداندىق ەمحانانىڭ پەدياترى ساۋلە قايرەدەنوۆا. ول دارىگەرلەرگە العىسىن ايتا كەلگەن جاستارعا ريزاشىلىعىن ءبىلدىردى.
– قازىرگى ەپيدەميالىق احۋالعا بايلانىستى دەمالىسسىز قىزمەت ەتىپ جاتقان دارىگەرلەرگە كورسەتكەن مۇنداي قولداۋ مەديتسينا قىزمەتكەرلەرىنىڭ ەڭبەگىنە سەرپىن بەرەدى. اتى جامان ىندەتپەن كۇرەس كەزىندە جىلى ءسوزدىڭ وزىنەن كۇش الامىز. ۇلكەنگە ىزەت بىلدىرەتىن تاربيەلى جاستاردىڭ بۇگىنگى قيىن كەزدەگى قولداۋىنا ەشتەڭە جەتپەيدى. شىن مانىندە بىزگە ەلدىڭ العىسىنان باسقا ەشتەڭە كەرەك ەمەس. ءبىز قاۋىپتى ىندەتكە شالدىققان ناۋقاستاردىڭ تەزىرەك ساۋىعىپ شىعۋىنا قول ۇشىن سوزۋدى ماقسات ەتىپ وتىرمىز. بۇل – ءبىزدىڭ دارىگەرلىك مىندەتىمىز, – دەدى تاجىريبەلى دارىگەر ساۋلە قايرەدەنوۆا.
اتىراۋ وبلىسى