ءدارى جەتكىلىكتى دەسە دە...

دارىلەردىڭ تىركەۋ كۋالىگى مەن ءدارى-دارمەك ساراپتاماسىندا قاۋىپسىزدىك جانە ساپا سەرتيفي­كا­تى بولماعاندىقتان زاڭسىز اكەلىنگەن. قازىر اتالعان فاكت بو­يىن­شا سوتقا دەيىنگى تەرگەۋ امالدارى جۇرگىزىلۋدە. سونداي-اق شىلدە ايىنان باس­تاپ دەپارتامەنت قىزمەتكەرلەرى ءدارى-دارمەكتى شامادان تىس باعامەن ساتۋدىڭ سەگىز وقيعاسىن انىقتادى. ءۇش ءدارى­حا­نا يەسى مەن قىزمەتكەرلەرى ايىپ­پۇل تولەۋگە ءماجبۇر بولعان. قازىر ولارعا فارماتسەۆتيكالىق قىزمەتپەن اينالىسۋعا تىيىم سالۋ ماسەلەسى قاراستىرىلۋدا. ال № 3 قالالىق اۋرۋ­حاناعا 1,5 ملن تەڭگەگە Nur Otan پارتياسى قالالىق فيليالى, كاسىپكەرلەر, ءماسليحات دەپۋتات­تارى كومەك كورسەتتى. كومەك بارىسىندا مەديتسينالىق قۇرال-جابدىقتار: تونومەتر, زالال­سىزداندىرۋعا ارنالعان قۇرال­دار, 200 جيىنتىق توسەكتىك ورىن بەرىلدى. پارتيا وكىلدەرى باس­تاعان توپ بۇعان دەيىن 8,5 ملن تەڭگەگە بايانتاۋ, مويىلدى پروۆيزورلىق ورتالىقتارىنا جانە پسيحونەۆرولوگيالىق ديس­پان­­سەرگە دە ءدارى-دارمەكتەر جەت­كىز­گەن.

قازىر وڭىردەگى پروۆيزورلىق ورتالىقتاردا 25 دارىگەر, 47 مەد­بيكە, 50 سانيتار جۇمىس ىستەۋ­دە. قازىر وندا 177 جەڭىل جانە ورتاشا دەڭگەيدەگى ناۋقاس جاتىر. ورتالىق اشىلعان كۇنى 250 ادام بولسا, وسى كۇنگە دەيىن 120 ادام ساۋىعىپ شىقتى.

وبلىس اكىمى ابىلقايىر سقاقوۆ وڭىردەگى تۇراقتاندىرۋ قورىنان بولىنگەن ءدارى-دارمەكتەردىڭ وبلىس ورتالىعىنداعى دارى­حا­نالار­عا ءبولىنۋ بارىسىن تەكسەردى. قا­لا­­داعى 44 دارىحاناعا دەنە قىز­ۋىن تۇسىرەتىن, ۆيرۋسقا قارسى پرە­پاراتتار, سونداي-اق انتي­كوا­گۋليانتتار مەن انتيبيو­تيك­تەر كەلىپ تۇسكەن. ال ءدارى­حا­نالار فارماتسەۆتەرى پاراتسەتامول, كسارەلتو, سۋمامەد, تسەفترياكسون جانە سۇرانىسقا يە تاعى باسقا ءدارى-دارمەكتەر اكە­لىن­گەنىن,بولجام بويىنشا ونىڭ كولەمى ءبىر اپتاعا جەتكىلىكتى ەكە­نىن ايتىپ بەردى.

– قازىرگى مىندەت – دارى­حا­نا­لار­داعى ءدارى-دارمەك قورىن ەكى اپتالىق كولەمگە, سودان سوڭ ءبىر ايلىق كولەمگە دەيىن ارتتىرۋ. كۇزگى كەزەڭگە دايىن بولۋىمىز كەرەك, – دەدى ءوڭىر باسشىسى.

جالپى, ءدارى-دارمەكتەردىڭ تۇراقتاندىرۋ قورى دارىحانالىق جەلىدە دەنە قىزۋىن تۇسىرەتىن, ۆي­رۋسقا قارسى پرەپاراتتار, انتي­بيوتيكتەر مەن انتيكواگۋ­ليانت­تار تۇراقتى تۇردە بولۋى ءۇشىن قۇرىلعان. تۇراقتاندىرۋ قورىن ىسكە قوسۋ كەزىندە ءا.سقاقوۆ ءار قالا مەن اۋدانداعى ەپي­دە­ميالىق جاعداي جونىندەگى ناقتى اقپارات نەگىزىندە ءدارى-دارمەكتەردى ءوڭىر ءدارىحانالارىنا ءادىل ءبولۋدى تاپسىرعان بولاتىن. سونىمەن قاتار وبلىس اكىمى دارىحانالارعا ءدارى-دارمەكتەردىڭ تۇسكەنى تۋرالى تۇرعىندارعا ۋاق­تى­لى جانە تولىق اقپارات بەرۋ قاجەتتىگىن اتاپ ءوتتى.

تۇراقتاندىرۋ قورىنىڭ ءبى­رىن­شى لەگىنەن ءدارى-دارمەكتەردى وبلىستىڭ 88 ءدارىحاناسى الدى. ونىڭ ءتىزىمىن قالىپتاستىرۋ سالا­لىق قاۋىمداستىقتىڭ قا­تى­سۋىمەن ءوتتى. جەدەل شتابتا وسىعان دەيىن ساتىلىمعا تۇسكەن پرە­پاراتتاردىڭ بارلىق اتاۋى مەن ءدارىحانالاردىڭ مەكەنجايلارى جاريالاندى. تۇراقتاندىرۋ قورىنان كەلىپ تۇسكەن ءدارى-دار­مەكتەر پاۆلودارداعى – 44, ەكى­باس­تۇز قالاسى مەن اۋىل­دىق اۋماق­تارىندا – 25, اقسۋ قا­لا­سىندا – 4, اۋىلدىق اۋماق­تا­رىنداعى 15 ءدارىحانا ءدارى-دارمەك الدى. ونى جەتكىزۋ «پاۆلودار» اكك, جەتكىزۋشى كومپانيا, تاۋارلار مەن كورسەتىلەتىن قىزمەتتەردىڭ ساپاسى مەن قاۋىپ­سىز­دىگىن باقىلاۋ كوميتەتىنىڭ دە­پ­ارتامەنتى, كاسىپكەرلىك جانە ساۋدا باسقارماسى, سونىمەن قاتار «قازمەدفارم» جشس دارىگەرلەرى, پروۆيزورلار مەن فارماتسەۆتەر قاۋىمداستىعىنا مىندەتتەلگەن. ناتيجەسىندە «پاۆلودار» اكك جانە ەلىمىزدەگى فارماتسەۆتيكالىق كومپانيالاردىڭ ءبىرى وڭىردەگى جانە ەلىمىزدەگى ەپي­دە­ميا­لىق جاعدايعا باي­لانىستى سۇرانىسقا يە ءدارى-دارمەكتىڭ 37 ءتۇرىن وڭىردەگى دارىحانالارعا ۇزدىكسىز جەتكىزۋگە مۇمكىندىك بەرەتىن كەلىسىمگە قول قويدى.

وڭىردەگى دارىحانالارعا 90 مىڭعا جۋىق قاپتاما مەن قۇ­تى­داعى انتيبيوتيكتەر, 61 مىڭنان استام قاپتاما مەن قۇتىداعى دەنە قىزۋىن تۇسىرەتىن ءدارى-دارمەك جانە 19 مىڭنان استام قاپتاما مەن قۇتىداعى ۆيرۋسقا قارسى پرەپاراتتار جەتكىزىلدى. سونداي-اق اۋداندىق دارىحانالارعا 13600 قاپتاما مەن قۇتىداعى دەنە قىزۋىن تۇسىرەتىن ءدارى-دارمەك – اسپيرين, پاراتسەتامول, يبۋفەن جانە تايلولفەن جىبەرىلگەن. وبلىس اكىمىنىڭ تاپسىرماسىمەن مەديتسينالىق ساقتاندىرۋ قورىنىڭ قاراجاتىن قايتا ءبولۋ ءتاسىلى ارقىلى ەمحانالار مەن اۋرۋحانالاردىڭ قازىرگى قاجەتتىلىكتەرىن ەسكەرە وتىرىپ, قورداعى قاراجات تۇرعىنداردى ۇيدە ەمدەۋگە ارنالعان ءموبيلدى بريگادالار سانىن ارتتىرۋعا جۇم­­سالماق. بۇگىنگى تاڭدا ەمحا­نا­لىق جەلى نەگىزىندە 59 ءموبيلدى بريگادا جۇمىس ىستەيدى.

– قازىر تاۋلىگىنە 1,4 مىڭ ۇيگە شاقىرۋعا قىزمەت كورسەتەتىن ءموبيلدى بريگادالاردىڭ سانى 93-كە جەتتى. ستاتسيونارلار مەن ءدارىحانالار ءدارى-دارمەكپەن قامتاماسىز ەتىلۋدە, – دەيدى دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ءبىرجان دوسمايىلوۆ.

«ۇيدەگى ستاتسيوناردىڭ» ەرەك­شە­لىگى – دارىگەر ناۋقاستى عانا ەمەس, ونىڭ وتباسىنىڭ دا جاع­دا­يىن باقىلاۋعا مۇمكىندىگى بار.

– بۇگىندە مەديتسينالىق ۇيىم­­دار بۇرىن جاسالعان شارت­تار بو­يىنشا ءدارى-دارمەك الادى, – دەدى ءوڭىر باسشىسى. – «مەد­سەر­ۆيس» ديستريبيۋتورى ارقىلى اتسەتيلساليتسيل قىشقىلىنىڭ 10 مىڭعا جۋىق قاپتاماسى, سونداي-اق پاراتسەتامول, تابلەتكالانعان انتيبيوتيكتەر, ينەكتسيالىق جانە ۆيرۋسقا قارسى پرەپاراتتار جەتكىزىلدى. قوسىمشا ءوتىنىم 1,5 ملرد تەڭگەگە جۋىق سوماعا ساتىپ الۋعا بەرىلدى, بۇل ماقساتقا 33 اتاۋلى انتيبيوتيكتەر, ترومبوليتيكتەر ساتىپ الىنادى.

ال جۇرت ىندەتتەن قالاي ساۋى­عىپ شىعامىز دەپ جات­قان­دا, ءدارى-دارمەكتەردى الىپ­سا­تارلىق جولمەن ساتۋدىڭ 20 فاكتىسى انىقتالدى. پوليتسيا قىزمەتكەرلەرى ءدارى-دارمەكتەردى زاڭسىز ساتۋعا بايلانىستى قۇ­قىق بۇزۋشىلىقتاردى انىق­تاۋ بويىنشا الەۋمەتتىك جەلىگە تۇ­راق­تى نەگىزدە مونيتورينگ جۇرگىزۋدە. وبلىستىق پوليتسيا دەپارتامەنتى ءباسپاسوز قىز­مەتى­نىڭ مالىمدەۋىنشە, الىپ-ساتۋلار جەدەل-ىزدەستىرۋ ءىس-شارالارىن جۇرگىزۋ بارىسىندا انىقتالعان.

پاۆلودار وبلىسى