"Coca-Cola الماتى بوتتلەرس" بك كومپانياسى قازاقستاندىقتارعا قولداۋ كورسەتتى. "The Coca-Cola Foundation" حالىقارالىق قايىرىمدىلىق قورى قىزىل كرەست جانە قىزىل جارتى اي حالىقارالىق قوزعالىسىنىڭ ءبىر بولىگى بولىپ تابىلاتىن قازاقستاندىق ۇيىمعا COVID-19 ينفەكتسياسىمەن كۇرەسكە شامامەن 130 ملن تەڭگە ءبولدى. بۇل تۋرالى "Kazakh Invest" ۇك ءباسپاسوز قىزمەتى حابارلادى.
اتالعان قاراجات قاجەتتى مەديتسينالىق قۇرال-جابدىقتار جانە بىرنەشە رەت وباعا قارسى قولدانۋعا بولاتىن 1,6 مىڭنان استام كوستيۋم ساتىپ الۋ ءۇشىن بالالار جۇقپالى اۋرۋلار كلينيكالىق اۋرۋحاناسىنىڭ, الماتى قالاسىنىڭ قالالىق كلينيكالىق جۇقپالى اۋرۋلار اۋرۋحاناسىنا, ۇلتتىق فتيزيوپۋلمونولوگيا ورتالىعىنا, Halyk Arena مۇز ارەناسى بازاسىندا اشىلعان ينفەكتسيالىق ستاتسيونارعا, الماتى قالاسىنىڭ ورتالىق قالالىق كلينيكالىق اۋرۋحاناسىنا, اسكەري كلينيكالىق گوسپيتالگە, الماتى تەمىرجول اۋرۋحاناسىنا, "قازاقستان" ساناتوريىنە, قر ۇلتتىق گۆاردياسىنىڭ 5571 اسكەري ءبولىمىنىڭ مەديتسينالىق بولىمشەسىنە, حيرۋرگيا ينستيتۋتىنا, رەسپۋبليكالىق قان ورتالىعىنا باعىتتالدى.
سونداي-اق قورعانىس قۇرالدارىنىڭ ءبىر بولىگى نۇر-سۇلتان قالاسىنداعى ۇلتتىق عىلىمي مەديتسينالىق ورتالىقتىڭ قىزمەتكەرلەرىنە بەرىلدى.