بۇل تۋرالى تۋريزم يندۋسترياسى كوميتەتىنىڭ توراعاسى داستان رىسپەكوۆ ايتتى, - دەپ حابارلايدى Egemen.kz.
"2020 جىلى تۋريزم بيزنەسىنىڭ شىعىنى 70-80%-دى قۇرايدى. ۇلتتىق بانكتىڭ مالىمەتىنشە, تۋريزم مەن قىزمەتتەردى ەكسپورتتاۋ 2019 جىلى $2,5 ملرد بولسا, وسى جىلى بۇل كورسەتكىش $650 ملن قۇرايتىن بولادى. تۋريستىك فيرمالار مەن ورنالاستىرۋ ورىندارى كورسەتكەن قىزمەتتەر كولەمى 2019 جىلى 300 ملرد تەڭگە بولسا, وسى جىلدىڭ سوڭىنا قاراي 60-80 ملرد كولەمىندە بولادى دەپ بولجاپ وتىرمىز", - دەدى ول.
كوروناۆيرۋس ينفەكتسياسىنا بايلانىستى كوپتەگەن تۋريستىك فيرمالار ءوز جۇمىستارىن توقتاتقانىمەن, قازاقستاندىقتار الىس-جاقىن شەتەلدەرگە تۋر الۋىن توقتاتپاعان.
"كارانتينگە قاراماستان, شەتەلدە دەمالعىسى كەلەتىن تۋريستەر سانى ازايمادى. كەرىسىنشە, كۇزگى-قىسقى ماۋسىمعا سۇرانىس ارتتى. اعىمداعى جاعداي تۋربيزنەس سۇرانىسىن تولىقتاي قامتي الماي جاتىر. ءبىز جۋىق ارادا جاعدايدىڭ قايتا قالپىنا كەلەتىنىنە سەنەمىز", - دەدى تۋريزم كوميتەتىنىڭ توراعاسى.