قازاقستان اۋماعىنىڭ باسىم بولىگىن قامتىعان تسيكلوننىڭ وتۋىنە بايلانىستى اتموسفەرالىق فرونتتار وزىمەن بىرگە كۇننىڭ كۇركىرەۋىمەن جانە ەكپىندى جەلمەن جاڭبىر اكەلەدى, دەپ حابارلايدى Egemen.kz
سولتۇستىك جانە شىعىس وڭىرلەردە قاتتى جاڭبىر جاۋىپ, بۇرشاق ءتۇسۋى ىقتيمال, ال وڭتۇستىكتە شاڭدى داۋىل كۇتىلەدى. تەك باتىس جانە وڭتۇستىك-باتىس وڭىرلەر جوعارى قىسىم الاڭىندا بولادى, مۇندا اۋا رايى جاۋىن-شاشىنسىز بولادى.
سونداي-اق سولتۇستىك قازاقستان وبلىسىنىڭ كەي جەرلەرىندە نايزاعاي, بۇرشاق بولسا, سونىڭ ىشىندە 27 شىلدە كۇنى نۇر-سۇلتان قالاسىندا جانە 28 شىلدەدە پەتروپاۆل قالاسىندا كۇندىز نايزاعاي كۇتىلەدى.