تاراز قالاسىندا تۇراتىن كوپبالالى جانە الەۋمەتتىك از قامتىلعان وتباسىلارعا ازىق-ت ۇلىك پاكەتى تاراتىلدى. اتالعان قايىرىمدىلىق شاراسى تاراز قالاسى اكىمدىگىنىڭ قولداۋىمەن ۇيىمداستىرىلدى.
ازىق-ت ۇلىك پاكەتى تارازدىق كاسىپكەرلەر مەن «بينوم» جاۋاپكەرشىلىگى شەكتەۋلى سەرىكتەستىگىنىڭ اتىنان بەرىلدى. كارانتين تالاپتارىنا سايكەس, قالا ەرىكتىلەرى اتالعان كومەكتى مۇقتاج وتباسىلاردىڭ تۇرعىلىقتى مەكەنجايلارىنا جەتكىزىپ بەردى. ازىق-ت ۇلىك جيناعىنىڭ ىشىندە ماكارون ونىمدەرى, كۇرىش, قاراقۇمىق, كۇنباعىس مايى, ۇن, شاي, ءسۇت سەكىلدى ونىمدەر بار. سونداي-اق, بالالار ءۇشىن ءتاتتى نان ونىمدەرى دە قامتىلعان. ايتا كەتۋ كەرەك, اتالعان اكتسيا ءبىر اپتاعا سوزىلادى. ءبىرىنشى كۇنى 200 وتباسىنا ازىق-ت ۇلىك ۇلەستىرىلدى.
«كارانتين كەزىندە كوپبالالى جانە الەۋمەتتىك از قامتىلعان وتباسىلاردى قولداۋ ماقساتىندا وسى اكتسيانى ۇيىمداستىردىق. بۇل شارا بارشا مۇسىلمان بالاسى ءۇشىن قاسيەتتى مەرەكە سانالاتىن قۇربان ايت قارساڭىندا قولعا الىنىپ وتىر. ءبىر اپتاعا سوزىلاتىن اكتسيا اياسىندا شامامەن 1000 وتباسىنى ءدال وسىنداي ازىق-ت ۇلىك جيناعىمەن قامتاماسىز ەتۋ جوسپارلانۋدا», دەيدى تاراز قالاسىنىڭ اكىمى ايتقازى قارابالاەۆ. جەرگىلىكتى جومارت جاندار دا الەۋمەتتىك از قامتىلعان وتباسىلارعا كومەك قولىن سوزۋدا. مۇنداي اكتسيا كونە شاھار توپىراعىندا ءالى دە جالعاسىن تاباتىن بولادى. ماسەلەن, كۇن سايىن دەمەۋشى ازاماتتاردىڭ ەسەبىنەن اۋرۋحانالارعا ىستىق تاماق جەتكىزىلىپ, از قامتىلعان وتباسىلارعا ءدارى-دارمەك تابىستالۋدا. سونداي-اق, «سادىحان» جاۋاپكەرشىلىگى شەكتەۋلى سەرىكتەستىگى مەن ء«تاتتى سەبەت» دۇكەندەر جەلىسىنىڭ باسشىلىعى دا ءدال وسى قامقورلىق اكتسياسىن ءارى قاراي جالعاستىرۋعا نيەتتەنىپ وتىر.
جامبىل وبلىسى