پەتروپاۆلدا پوليتسەي ءتورت ميلليون تەڭگەدەن استام اقشانى جىمقىرعان ۇرىنى ء“ىزىن سۋىتپاي” ۇستادى, – دەپ حابارلايدى Polisia.kz.
22 شىلدەدە ساعات 10 شاماسىندا “كورونا” ساۋدا ءۇيىنىڭ ماڭىندا ۇرى پەتروپاۆل تۇرعىنىنىڭ قولىنان اقشا سالىنعان پاكەتتى ج ۇلىپ الىپ, ۇيلەردىڭ اراسىمەن قاشا جونەلگەن. ابدىراپ قالعان ايەلدىڭ كومەك سۇراعان داۋسىن قالالىق پاترۋلدىك پوليتسيا باتالونى ەكيپاجىنىڭ قىزمەتكەرلەرى ەستيدى. قىزمەت ينسپەكتورى اسقار تاتانوۆ اۋلالاردىڭ بىرىندە جاسىرىنباق بولعان ۇرىنىڭ سوڭىنان جۇگىردى. قۋعىنشىنى بايقاعان قاسكوي قولىنداعى پاكەتىن لاقتىرا سالىپ, جاسىرىنباق بولدى. الايدا, پوليتسيا قىزمەتكەرى قۋىپ جەتىپ, ونى كەلگەن جەدەل-تەرگەۋ توبىنا تاپسىردى. ءتورت ميلليون تەڭگەدەن استام بولعان پاكەت بىردەن يەسىنە قايتارىلدى.
"مەن ابىرجىپ قالدىم. وقيعا ورىن العاندا, ولاردىڭ سوڭىنان جۇگىرە كەتىپپىن. كەيىن پوليتسياعا حابارلاسۋ كەرەك قوي دەپ ويلادىم. كەرى جۇگىردىم. ايەلدەر ءوز تەلەفونىمنان پوليتسياعا حابارلاسۋعا جاردەمدەستى. پوليتسەيلەرگە العىسىم شەكسىز", – دەپ ءتارتىپ ساقشىلارىنىڭ ۇيلەسىمدى جانە جەدەل ارەكەتتەرىن اتاپ ءوتىپ, قالا تۇرعىنى ءوز ريزاشىلىعىن ءبىلدىردى.
توناۋ فاكتىسى بويىنشا قر قك 191-بابى 3-بولىگى بويىنشا سوتقا دەيىنگى تەرگەۋ جۇرگىزىلىپ جاتىر. ۇستالعان ادامنىڭ بۇرىن بىرنەشە رەت سوتتالعانى انىقتالدى. قازىرگى ۋاقىتتا پەتروپاۆلدىڭ 34 جاستاعى تۇرعىنى ۋاقىتشا ۇستاۋ يزولياتورىنا قامالدى.