شىعىس قازاقستان وبلىسىندا 23 شىلدەدەن باستاپ الاكول كولىنىڭ دەمالىس ورىندارىندا دەمالۋشىلاردى قابىلداۋ توقتاتىلدى, دەپ حابارلايدى Egemen.kz ءۇرجار اۋدانىنىڭ باس مەملەكەتتىك سانيتار دارىگەرىنە سىلتەمە جاساپ.
قاۋلىدا 2020 جىلدىڭ 23 شىلدەسىنە دەيىن كەلگەن كەلگەن دەمالۋشىلارعا دەمالىس بازاسىندا جولدامادا كورسەتىلگەن مەرزىم اياقتالعانعا دەيىن دەمالۋعا رۇقسات ەتىلگەنى حابارلانعان. شەكتەۋ شارالارىنىڭ رەجىمى مەن مەرزىمى اۋدان اۋماعىندا كوروناۆيرۋس ينفەكتسياسىنىڭ تارالۋ جاعدايىنا قاراي وزگەرۋى مۇمكىن.
ءۇرجار اۋدانىنىڭ اكىمى مەن اۋداندىق پوليتسيا بولىمىنە 23 شىلدەدەن باستاپ الاكول كولىنىڭ تۋريستىك-رەكرەاتسيالىق ايماعىنا كىرەتىن جولدى جابۋ جانە سۋ قويماسىنا اپاراتىن اۆتوجولدا ءموبيلدى بەكەت جۇمىسىن قامتاماسىز ەتۋ مەن قوعامدىق قۇقىقتىق ءتارتىپتى ساقتاۋ ءۇشىن كۇندەلىكتى كۇزەتۋ تاپسىرىلدى