"اتامەكەن" ۇلتتىق كاسىپكەرلەر پالاتاسى جانە "مەنىڭ اتامەكەنىم" قوعامدىق بىرلەستىگى بىرلەسە وتىرىپ, قاراجات, ءدارى-دارمەك, سونداي-اق كۇندەلىكتى تۇتىنۋ تاۋارلارىن الۋعا "جاقسىلىق جارشىسى" اتتى رەسپۋبليكالىق مارافونىن ىسكە قوستى, - دەپ حابارلايدى Egemen.kz
اتالمىش اكتسياعا كەز كەلگەن ادامنىڭ قاتىسۋىنا مۇمكىندىك بار ەكەنى الدىن-الا حابارلانعان بولاتىن. كومەك كورسەتۋ قاتارىنا قارجىلاي كومەك, كۇندەلىكتى تۇتىنۋ تاۋارلارىن الۋ نەمەسە قىزمەتتەر كورسەتۋ سالاسى جانە ەرىكتىلەر قاتارى بولۋى مۇمكىن.
"جاقسىلىق جارشىسى" مارافونى 2020 جىلدىڭ 21 شىلدەسىندە نۇر-سۇلتان قالاسىندا باستالىپ, 22 شىلدە كۇنى ەستافەتانى الماتى قالاسى, ال ودان كەيىن ەلىمىزدىڭ باسقا وڭىرلەرىندە جالعاستى.
الماتىدا وتەتىن مارافونعا بەلگىلى مەديا تۇلعالارى مەن سپورتشىلار قاتىسادى: ولاردىڭ قاتارىندا كاسىپقوي بوكسشى جانقوش تۇراروۆ, انشىلەر نۇرلان ەسپانوۆ, تالعات جوراباەۆ, اباي بەگەي, سەرىك يبراگيموۆ, بەيبىت كۇشقاليەۆ, اسەت قارابالين, ءماجىلىس دەپۋتاتى يرينا سميرنوۆا جانە تانىمال ۆاينەر سەرىك تىلەۋلەسوۆتەر قاتىستى.