1,2 ملن-نان استام قازاقستاندىق "42 500 تەڭگە" بىرجولعى تولەمىن الدى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
"22 شىلدە ساعات 9.00-دەگى جاعداي بويىنشا شىلدە ايىندا شەكتەۋ شارالارىن ەنگىزۋگە بايلانىستى تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان ەڭ تومەنگى جالاقى – 42 500 تەڭگە مولشەرىندە بىرجولعى تولەم تاعايىنداۋعا ازاماتتاردان 1 ملن 730 مىڭ ءوتىنىش قابىلداندى. تولەم 1 ملن 309 مىڭ ادامعا تاعايىندالدى. اقشالاي قاراجات 1 ملن 122 مىڭ قازاقستاندىققا اۋدارىلدى", دەلىنگەن حابارلامادا.
1 ميلليون 730 مىڭ ءوتىنىمنىڭ ىشىندە:
– 782,87 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى;
– 423 مىڭ ادام Egov.kz پورتالى جانە Telegram بوت رقىلى;
– 146,1 مىڭ ادام 42500.enbek.kz پورتالى ارقىلى;
– 378 مىڭ ادام ەكىنشى دەڭگەيدەگى بانكتەردىڭ ءموبيلدى قوسىمشاcى مەن ينتەرنەت رەسۋرسى ارقىلى ءوتىنىش بەرگەن. ازاماتتاردىڭ ساناتتارى بولىنىسىندە: – 782,87 مىڭ ءوتىنىش بىرىڭعاي جيىنتىق تولەم تولەۋشىلەردەن بەرىلدى (پرواكتيۆتى فورماتتا); – 92,86 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەردى; – 854,4 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر; جەكە پراكتيكامەن اينالىساتىن ادامدار; ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار).
ەستەرىڭىزگە سالا كەتەيىك, مەملەكەت باسشىسىنىڭ تاپسىرماسى بويىنشا 2020 جىلدىڭ شىلدە ايىندا كارانتيندىك شارالاردىڭ ەنگىزىلۋىنە بايلانىستى جۇمىس ىستەپ جاتقان قازاقستاندىقتارعا تابىسى تولىق جوعالعان جاعدايدا ءبىر ەڭ تومەنگى جالاقى – 42 500 تەڭگە مولشەرىندە بىرجولعى تولەم جۇزەگە اسىرىلاتىن بولادى.