كەنتاۋ قالاسىندا كوپ قاباتتى تۇرعىن ۇيلەردىڭ سىرتقى قابىرعاسىنا قازاقتىڭ ۇلى تۇلعالارىنىڭ بەينەسى سالىنۋدا. العاشقى مۋرال - قوعام قايراتكەرى, جازۋشى ساكەن سەيفۋلليننىڭ بەينەسى الىستان مەنمۇندالايدى, - دەپ حابارلايدى Egemen.kz.
الداعى ۋاقىتتا ءدال وسىنداي قارقىندا بىرنەشە كوپقاباتتى تۇرعىن ۇيگە تاريحي تۇلعالار بەينەسىن سالۋ جوسپارلانۋدا. قوعام قايراتكەرىنىڭ بەينەسىن اينىتپاي سالعان جاس سۋرەتشى ءالي رىسىمبەتوۆ تۋعان قالاسىنىڭ كوركەيۋىنە ءوز ۇلەسىن وسىلايشا قوسۋدا. تۇرعىن ۇيلەردىڭ قاسبەتىنە كورىك بەرۋ جۇمىستارىن "قۇرىلىس كەنتاۋ" جشس قولعا العان.