كەنشىلەر استاناسىنا رەسەيدىڭ نيجني نوۆگورود قالاسىنان كوروناۆيرۋس ينفەكتسياسىن, پنەۆمونيانى جانە باسقا دا بىرقاتار اۋرۋلاردىەمدەۋگە ارنالعان ءدارى-دارمەكتىڭ مول پارتياسى جەتكىزىلدى, – دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
بۇل ءىس-شارا قاراعاندى وبلىسىنىڭ اكىمدىگى جانە "قازاقمىس" كورپوراتسياسىنىڭ قولداۋىمەن ۇيىمداستىرىلدى. مەديتسينالىق پرەپاراتتاردىڭ جالپى سالماعى 17 نوننانى قۇرايدى. دارىلەردىڭ جارتىسى – 8,5 تونناسى قاراعاندى وبلىسىناارنالعان. جۇكتىڭ قالعان بولىگى پاۆلودار جانە نۇر-سۇلتان قالالارىنا جونەلتىلەدى.
ايتا كەتۋ كەرەك, بۇل گۋمانيتارلىق كومەك ەمەس, ءدارى-دارمەك ءدارىحانا جەلىلەرىنىڭ ديستريبيۋتورلارى ارقىلى ساتىپ الىنعان. ال وبلىستىق اكىمدىك بولسا, پرەپاراتتاردى ساتىپ الۋ جانە ەنگىزۋ پروتسەدۋرالارىن جەڭىلدەتۋگە جانە لوگيستيكا جونىندەگى ماسەلەلەردى شەشۋگە قولداۋ كورسەتتى.
بۇگىنگى كۇندە وتە قاجەتتى تسەفترياكسون, رەامبەرين, كلەكسان, پرەدنيزولون, تسيكلوفەرون, ازيتروميتسين جانە ىستىقتى باساتىن دارىلەر سىندى پرەپاراتتار ستاتسيونارلار مەن دارىحانالارعاتاراتىلاتىن بولادى.
جاقىن ارادا ءدارى-دارمەك قاراعاندى وبلىسىنىڭ ءدارىحانا سورەلەرىنە جانە قالالار مەن اۋدانداردىڭ ستاتسيونارلارىنا جەتكىزىلەدى. بۇدان بولەك, وڭىرگە 700 مىڭ قاپتاما شاماسىندا پاراتسەتامول دا اكەلىنبەكشى.
قازىرگى تاڭدا ءوڭىر تۇرعىندارىنىڭ قاجەتتىلىگىن وتەۋگە ارنالعان ءدارى-دارمەكتى جەتكىزۋ بويىنشا جۇمىستاردىڭ جالعاسىن تابۋى وبلىس باسشىلىعى تاراپىنان جىتى باقىلاۋعا الىنعان.