كوك-توبەدەگى اتتراكتسيوندار جابىلدى

"ەسكە سالا كەتەيىك, الماتى قالاسى اكىمى باقىتجان ساعىنتاەۆتىڭ تاپسىرماسىمەن بارلىق اۋدانداردا سونىڭ ىشىندە, بيزنەس نىساندارىنىڭ اۋماعىندا سانيتارلىق نورمالاردىڭ, ساقتالۋىن باقىلاۋ ءۇشىن مونيتورينگتىك توپتار قۇرىلدى. سونداي-اق, تۇرعىندارمەن بايلانىسۋ ءۇشىن جەدەل جەلى جۇمىس ىستەيدى.بىزگە جەدەل جەلىگە كەلىپ تۇسكەن قوڭىراۋلار بويىنشا تۇرعىنداردىڭ وزدەرى قاي جەردە جانە قانداي كارانتيندىك شارالارى بۇزىلعانى تۋرالى ايتادى. سول ءۇشىن ولارعا العىس ايتامىز", - دەدى بەرىك سۇلتانباەۆ.

"ماسەلەن, وسى جىلدىڭ 17 شىلدەسىندە ءبىر تۇرعىننان كوك-توبە ساياباعىندا كارانتين شارالارى بۇزىلعاندىعى جايىندا شاعىم ءتۇستى. مونيتورلىق توپ دەرەۋ تارتىپبۇزۋشىلىق ورىن العان جەرگە باردى. ءموبيلدى توپ تارتىپبۇزۋشىلىق فاكتىسى بويىنشا اتالعان نىسانعا جولعا شىقتى. ءتارتىپ بۇزۋ فاكتىسى راستالدى. اتتراكتسيوندار قىزمەتىن توقتاتتى. قازىر ولاردى اكىمشىلىك جاۋاپكەرشىلىككە تارتۋ ماسەلەسى قارالۋدا", - دەپ قوستى ءوز سوزىنە مەدەۋ اۋدانىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ مىندەتىن اتقارۋشى ايبەك اسكەربەكوۆ.

جالپى مونيتورينگتىك توپتار جۇرگىزگەن تەكسەرۋلەر بارىسىندا شەكتەۋ شارالارىن بۇزۋ فاكتىلەرى انىقتالىپ, جولى كەسىلدى, ولاردىڭ اراسىندا:

1) بوستاندىق اۋدانىندا 11 شىلدەدە حان ءتاڭىرى شاعىن اۋدانى 126-ۇيدە "رايسكي ساد" مەيرامحاناسىندا 30 ادامعا ارنالعان بانكەت وتكىزىلگەنى انىقتالدى. شارا توقتاتىلىپ, قوناقتار ۇيلەرىنە تارادى. نىساننىڭ جەتەكشىسىمەن ءتۇسىندىرۋ جۇمىستارى جۇرگىزىلىپ, مەكەمەنىڭ اكىمشىسىنە 15 اەك مولشەرىندە قر اقتك 425-بابىنىڭ 1-تارماعى بويىنشا, اكىمشىلىك قۇقىقبۇزۋشىلىق تۋرالى حاتتاما تولتىرىلدى.

2) 16 شىلدە كۇنى مەدەۋ اۋدانىندا "مانانا" رەستورانىنداعى تۇنگى كاراوكە-كلۋبتىڭ ۋاقىت رەجيمىنىڭ بۇزىلعانى انىقتالدى. مەيرامحانا اكىمشىلىگىمەن ءتۇسىندىرۋ جۇمىستارى جۇرگىزىلىپ, سونىڭ بارىسىندا مەيرامحانا ءوز ەركىمەن جابىلدى.

3) 12 شىلدە كۇنى بوستاندىق اۋدانىندا "رايسكي ساد" مەيرامحاناسىندا كوپ قوناقتار سانىمەن ۇيلەنۋ تويى وتكەن. سالاتاناتتى جيىنعا كەلگەن قوناقتار دەرەۋ ۇيلەرىنە جىبەرىلدى. مونيتورينگتىك توپ حاتتاما تولتىردى. مەيرامحانا يەسى اكىمشىلىك جاۋاپكەرشىلىككە تارتىلدى.

4) تۇركسىب اۋدانىنىڭ نۇرشاشقان اۋدانىندا كارانتين كەزىندە "دوستلۋك" ءدامحاناسىندا 100 ادامعا ارنالعان بانكەت وتكەنى انىقتالدى. قوناقتار دەرەۋ تاراتىلىپ, نىساننىڭ قىزمەتى 1,5 ايعا توقتاتىلىپ, ءدامحانا يەسى يلاحۋنوۆا ر.ز-عا 100 اەك مولشەرىندە اكىمشىلىك ايىپپۇل سالىندى. 5) الاتاۋ اۋدانىندا مونيتورينگتىك توپ "Shafran" جانە "Bodrum" ءدامحانالارىندا شەكتەۋ شارالارى جانە سانيتارلىق نورمالاردىڭ بۇزىلعانىن انىقتادى. "Shafran" ءدامحاناسى تۇنگى 23.00-دەن كەيىن جۇمىس ىستەگەن. سونىمەن بىرگە پەرسونال قول,اپسىز جۇمىس ىستەگەن. كاۋاپ پىسىرەتىن جەردە ماسكاسىز جانە قولعاپسىز جۇمىس ىستەگەن. جازعى الاڭدا انتيسەپتيكتەر ورناتىلماعان. كەلۋشىلەردىڭ تەمپەراتۋراسىن ولشەمەيدى, سانيتارلىق-دەزينفەكتسيالىق رەجيم ساقتالمايدى. كىرەبەرىسكە دەزينفەكتسيالىق كىلەمشە توسەلمەگەن. "Bodrum" ءدامحاناسىندا داياشى ماسكاسىز جۇمىس ىستەگەن. اتالعان دامحانالارعا قاتىستى اكىمشىلىك قۇقىقبۇزۋشىلىق تۋرالى ەكى حاتتاما تولتىرىلدى, - دەلىنگەن اقپاراتتا.

6) جەتىسۋ اۋدانىندا "جبي گارانت" جشس تەمىربەتون ونىمدەرىن وندىرەتىن زاۋىت قىزمەتكەرلەرىنىڭ جابىق عيماراتتا قورعانىش ماسكالارىنسىز جۇرگەنى انىقتالدى. مونيتورينگتىك توپپەن اكىمشىلىك قۇقىقبۇزۋشىلىق تۋرالى حاتتاما تولىتىرلىپ, ءتۇسىندىرۋ جۇمىستارى جۇرگىزىلدى.

ەستەرىڭىزگە سالا كەتەيىك, كوروناۆيرۋستىق ينفەكتسيانىڭ ودان ءارى تارالۋىن بولدىرماۋ ماقساتىندا قازاقستان رەسپۋبليكاسىنىڭ باس مەملەكەتتىك سانيتار دارىگەرىنىڭ قاۋلىسىمەن قوسىمشا شەكتەۋ شارالارى ەنگىزىلگەن. اتاپ ايتقاندا, كاراوكە, كاليان, بيليارد, كومپيۋتەرلىك كلۋبتار, بۋكمەكەرلەرلىك كەڭسەلەر, تۇنگى كلۋبتار, بوۋلينگ ورتالىقتارى, اتتراكتسيوندار, ويىن الاڭدارى, باتۋتتار, كينوتەاترلار جانە باسقا ويىن-ساۋىق مەكەمەلەرىنىڭ قىزمەتىنە تىيىم سالىندى.

الماتىدا كارانتين رەجيىمىنىڭ بۇزىلۋ فاكتىلەرى انىقتالعان جاعدايدا حابارلاسۋعا ارنالعان بايلانىس تەلەفوندارى: 1. الاتاۋ اۋدانى — 87757814550;2. المالى اۋدانى — 87017165925;3. اۋەزوۆ اۋدانى — 87014009193, 87477615582;4. بوستاندىق اۋدانى — 87011223059;5. جەتىسۋ اۋدانى— 87011071790, 87475574071;6. مەدەۋ اۋدانى — 87078224078;7. ناۋرىزباي اۋدانى— 87077527927;8. تۇركسىب اۋدانى — 87011940719, 87051895289, 87071895289.