مۇنايلى وڭىردە دە تۋريستەردى قىزىقتىراتىن تاريحي ورىندار از ەمەس. سول سەبەپتەن, وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى اتىراۋدىڭ تۋريستىك لوگوتيپىن جاساۋعا ارنالعان كونكۋرس وتكىزۋدى جوسپارلاعان ەكەن. ءدال وسى ماقساتقا بيۋدجەتتەن 3,7 ملن تەڭگە ءبولىنىپتى.
"بيىلعى 15 ماۋسىمدا "اتىراۋ وبلىسىنىڭ تۋريستىك لوگوتيپىن جاساۋ" جونىندەگى مەملەكەتتىك ساتىپ الۋ بويىنشا اشىق كونكۋرس جاريالاندى. كونكۋرستىڭ ءبىرىنشى كەزەڭىندە قاتىسۋشى بولمادى. "مەملەكەتتىك ساتىپ الۋ" زاڭىنا سايكەس 14 شىلدەدە ەكىنشى رەت اشىق كونكۋرس تاسىلىمەن جاريالاندى. بۇل كونكۋرس بويىنشا ءوڭىردىڭ تۋريستىك لوگوتيپى ەلەكتروندى تۇردە جاساقتالۋى ءتيىس ەدى. ونلاين رەجيمىندە جۇرگىزىلەتىن سۇرانىستان سوڭ, لوگوتيپ تاڭدالىپ, ساراپتامالىق كوميسسيا قاراۋىنا ۇسىنىلاتىنى جوسپارلاندى" -دەپ حابارلادى وڭىرلىك كوممۋنيكاتسيالار قىزمەتى.
دەگەنمەن, وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى بۇل كونكۋرستى وتكىزۋدەن باس تارتتى. مۇنى وڭىردەگى ەپيدەميولوگيالىق احۋالدىڭ كۇردەلەنۋىمەن بايلانىستىرىپ وتىر. ەندى تۋريستىك لوگوتيپتى جاساۋعا بولىنگەن 3,7 ملن بيۋدجەتكە قايتارىلاتىن بولدى.