قارجىلىق مونيتورينگ اگەنتتىگى بلوگەر يليارعا (يليار يۋۆاشەۆ) مەملەكەتارالىق ىزدەۋ جاريالانعانىن حابارلادى. ول زاڭسىز ينتەرنەت-كازينو قىزمەتىن ۇيىمداستىرۋعا كومەكتەستى دەگەن كۇدىككە ىلىنگەن, دەپ حابارلايدى Egemen.kz.
تەرگەۋ مالىمەتىنشە, يۋۆاشەۆ 2024-2025 جىلدارى ليتسەنزياسىز جۇمىس ىستەگەن ونلاين-كازينو جەلىسىن قۇرۋعا جانە باسقارۋعا قاتىسقان. سونىڭ ىشىندە mellstroy.game رەسۋرسى دا بار. قارجى اينالىمى 22 جالعان كومپانيا ارقىلى جۇرگىزىلىپ, POS-تەرمينالدار مەن ەلەكتروندى تولەم جۇيەلەرى ارقىلى ويىنشىلاردان 3,6 ملرد تەڭگەدەن استام قاراجات تۇسكەن.
ونلاين-كازينودان تۇسكەن تابىس تاركىلەندى: Porsche مەن Lexus مەملەكەت كىرىسىنە ءوتتى
قۇزىرلى ورگاندار بلوگەردىڭ جۇرگەن جەرى تۋرالى اقپاراتتى استانا قالاسىنداعى ەكونوميكالىق تەرگەۋ دەپارتامەنتىنە حابارلاۋدى سۇرايدى. اقپارات بەرگەندەرگە سىياقى تولەنىپ, قۇپيالىلىق ساقتالادى.
سونىمەن قاتار, بۇل ءىس بويىنشا بەلارۋس ازاماتى, بلوگەر اندرەي بۋريم دا تەرگەلىپ جاتىر. ول ينتەرنەت-كازينونى جارنامالاۋ ءۇشىن ءتۇرلى بايقاۋلار مەن چەللەندجدەر ۇيىمداستىرعان. قاتىسۋشىلار TikTok, YouTube Shorts سياقتى پلاتفورمالاردا ۆيدەو ءتۇسىرىپ, كازينونى ناسيحاتتاعان.
زاڭسىز كازينو ۇيىمداستىرۋشىلاردان 420 ملن تەڭگەنىڭ مۇلكى تاركىلەندى