قازاقستاندا سوڭعى ەكى ايدا 200-دەن استام ەگىز ءسابي ومىرگە كەلگەن. ستاتيستيكاعا كوز سالساق, 2025 جىلى ەلدە 3 367 جۇپ ەگىز جانە 25 ۇشەم تۋعان. كورسەتكىشتەردىڭ سالىستىرمالى تۇردە جوعارى بولۋى ەلىمىزدەگى رەپرودۋكتيۆتىك دەنساۋلىق پەن مەديتسينالىق قىزمەتتەردىڭ ساپاسى ارتقانىن كورسەتەدى, دەپ حابارلايدى Egemen.kz.
مەديتسينا مامانداردىڭ ايتۋىنشا, ەلىمىزدە مەرزىمىنەن بۇرىن تۋعان نارەستەلەردىڭ ۇلەسى ازايىپ كەلەدى. 2023 جىلى 7,3% بولسا, 2024 جىلى بۇل كورسەتكىش 6,2%-عا ءتۇستى.
رەفەرەندۋم كۇنى الماتىدا 44 ءسابي دۇنيەگە كەلدى
ەلدە انا مەن بالا دەنساۋلىعىن قورعاۋ جۇيەسى ۇزدىكسىز دامىپ, وسى باعىتتا بىرنەشە ماڭىزدى شارالار جۇزەگە اسىرىلىپ جاتىر:
الدىن الۋ باعدارلامالارى كەڭەيتىلىپ, ايەلدەردىڭ جۇكتىلىكتى جوسپارلاۋدان باستاپ بوسانعانعا دەيىنگى كەزەڭدە ساپالى مەديتسينالىق كومەك الۋ مۇمكىندىگى ارتتى; پەريناتالدى ورتالىقتار جاڭارتىلىپ, زاماناۋي مەديتسينالىق جابدىقتار مەن تەحنولوگيالار ەنگىزىلىپ جاتىر; ايەلدەردى الەۋمەتتىك جانە پسيحولوگيالىق قولداۋ كۇشەيتىلۋدە, بۇل اسىرەسە كوپبالالى وتباسىلار مەن جاس انالار ءۇشىن ماڭىزدى.سونىمەن قاتار, رەپرودۋكتيۆتىك باعدارلامالارعا ەرەكشە كوڭىل ءبولىنىپ كەلەدى. سوڭعى جىلدارى ەكو (جاساندى ۇرىقتاندىرۋ) ارقىلى دا مىڭداعان بالا دۇنيەگە كەلگەن.