قازاقستان قاراشىعاناق كەن ورنىندا گاز وڭدەۋ زاۋىتىن سالۋ جوسپارىن قايتا قاراپ, جوبانى بۇرىنعى فورماتتا جۇزەگە اسىرمايتىنىن رەسمي تۇردە مالىمدەدى. نەگىزگى سەبەپ – وپەراتورلاردىڭ ينۆەستيتسيالىق سوڭعى شەشىمدى ۇزاق ۋاقىت قابىلداماۋى جانە جوبانىڭ قۇنى مەن ەكونوميكالىق تيىمدىلىگىنە قاتىستى كەلىسپەۋشىلىكتەر بولىپ وتىر, دەپ حابارلايدى Egemen.kz.
PSA ۋاكىلەتتى ورگانىنىڭ حابارلاۋىنشا, وپەراتوردىڭ ۇسىنعان شىعىن سمەتاسى باستاپقى جوسپاردان بىرنەشە ەسە اسىپ كەتكەن, بۇل جوبانى قازاقستان ءۇشىن ءتيىمسىز ەتتى. سونىمەن قاتار, وپەراتور جوبانى بەكىتۋ ماسەلەسىن باسقا تىكەلەي قاتىسى جوق سۇراقتارمەن بايلانىستىرىپ وتىرعان, بۇل كەلىسسوز پروتسەسىن قيىنداتتى.
الايدا, قازاقستان گاز وڭدەۋدى تولىق تاستامايدى. قازىر جاڭا گاز وڭدەۋ زاۋىتىن جوبالاۋ جۇمىستارى باستالدى. ەل ەندى جوبانى تيىمدىرەك, شىعىنداردى ازايتاتىن جانە ەكونوميكالىق پايداسى جوعارى جاڭا مودەل بويىنشا جۇزەگە اسىرۋدى جوسپارلاپ وتىر.
قاراشىعاناق وپەراتورىنا 2 ملرد تەڭگە كولەمىندە ايىپپۇل سالىندىقاراشىعاناق – قازاقستان ءۇشىن ستراتەگيالىق ماڭىزدى اكتيۆ. سوندىقتان جوبانىڭ جاڭا فورماتى تەك وندىرىستىك وبەكت ەمەس, ەلدىڭ ەنەرگەتيكالىق تۇراقتىلىعى مەن شيكىزاتتى ءتيىمدى پايدالانۋ ستراتەگياسىنىڭ ءبىر بولىگى بولادى.