ۇكىمەت باسشىسى اسقار ءماميننىڭ تاپسىرماسىنا سايكەس, وبلىس اكىمدىگى وڭىردەگى كوروناۆيرۋسقا قارسى كۇرەستى كۇشەيتۋ ماقساتىندا مەديتسينا ماماندارىن الدىرتۋدا. بۇل تۋرالى ماڭعىستاۋ وبلىسىنىڭ قوعامدىق كوممۋنيكاتسيا ورتالىعى حابارلايدى.
ماڭعىستاۋلىق ناۋقاستاردى ەمدەۋگە 12 اسكەري دارىگەر جۇمىلدىرىلادى. ونىڭ 10-ى بۇگىن شىعىس قازاقستان وبلىسىنان كەلدى. بۇل مامانداردىڭ التاۋى سەمەي قالاسىنان جانە تورتەۋى وسكەمەن قالاسىنان كەلدى. ال, ەكەۋى اقتاۋداعى 25744 اسكەري بولىمىنىڭ دارىگەرى.
سونىمەن قاتار, بۇگىن وڭىرگە اقتوبە قالاسىنداعى مەديتسينا ۋنيۆەرسيتەتىن بىتىرگەن 10 جاس مامان كەلدى. 18 شىلدە كۇنى تاعى 6 دارىگەر جۇمىستارىن باستايدى. سول ۋنيۆەرسيتەتتى تامامداعان 5 مامان بۇعان دەيىن اقتاۋعا كەلگەن بولاتىن. تاعى 5 دارىگەر قازىر اقتوبەدە جۇمىس ىستەپ جاتىر, تامىز ايىندا جۇمىستارىن ءبىتىرىپ, اقتاۋعا كەلەدى.
جالپى, ماڭعىستاۋعا 26 جاس مامان كەلەدى. ونىڭ 15-ءى ينتەرناتۋرانى, 7-ءى رەزيدەنتۋرا بىتىرگەن دارىگەرلەر. 4 اقتوبەلىك مامان ماڭعىستاۋدا تۇراقتى تۇردە ەڭبەك ەتۋگە نيەتتى.
اقتوبەدەن بۇگىن كەلگەن 10 ماماننىڭ التاۋى ماڭعىستاۋلىق, تورتەۋى اقتوبە قالاسىنىڭ تۋماسى.