رەسەيدە ءبىر تاۋلىكتە 6 422 ادام كوروناۆيرۋس جۇقتىرعان. وسىلايشا, فەدەراتسيا اۋماعىندا مۇنداي ناۋقاستاردىڭ جالپى سانى 746 مىڭنان اسىپ وتىر, - دەپ حابارلايدى Egemen.kz.
جانە دە, سوڭعى 24 ساعاتتا رەسەيدە جاڭا ۆيرۋستان 156 ادام قايتىس بولىپ, قۇربانداردىڭ جالپى سانى 11770-كە جەتتى.
ال, بەلارۋس دەنساۋلىق ساقتاۋ مينيسترلىگىنىڭ دەرەگىنشە, بۇل رەسپۋبليكادا "كوۆيدكە" شالدىققاندار قاتارى 65440-تان اسىپ, 480 ادام جان ءتاسىلىم ەتكەن.
ۋكراينادا وتكەن تاۋلىكتە 835 ادامنان كوروناۆيرۋس تابىلىپ, 15 ناۋقاس قايتىس بولدى.
مۇندا پاندەميا باستالعالى وسىنداي دياگنوز 55600-دەن استام ادامعا قويىلىپ, 1427-ءسى قازا تاپقان.
سونداي-اق برازيليانىڭ دەنساۋلىق ساقتاۋ مينيسترلىگى ەلدە تاۋلىگىنە كوروناۆيرۋستىق ينفەكتسيانىڭ 41 857 جاڭا جاعدايى تىركەلگەنىن, سونىمەن قاتار ىندەتتەن 1 300 ادام قايتىس بولعانىن راستادى.