تابيعاتتى ايالاۋعا ۇيرەتەيىك

اقتاۋداعى يتبالىق­تار­دى تاسپەن, تاياقپەن ۇرىپ جاتقان سوڭعى بەي­نە­كورىنىسكە قاراعاندا, بىزدە ادامنىڭ جانۋارلار دۇنيە­سىمەن ۇيلەسىمدىلىگى قالىپ­تاسپاعانى انىق. ادامدار ەگەر جولىندا جابايى اڭ كەزدەسە قالسا, نە ىستەۋ كەرەكتىگىن بىلمەيدى. سوندىقتان مەكتەپتەردە ەكولوگيالىق ءبىلىم بەرۋ ءپانىن ەنگىزۋ قاجەت.

ازاماتتارعا وڭىرلەردەگى قىزىل كىتاپقا ەنگىزىلگەن جانۋارلار تۋرالى ايتىپ, ءتۇسىندىرۋ قاجەت. كوپ ادام ءوزى ءومىر ءسۇرىپ جاتقان وڭىردە قورعاۋداعى جانۋارلار مەكەندەيتىنىن بىلمەيدى. ولاردى قورعاۋ كەرەك ەكەنىن, وشپەندىلىكپەن قاراماۋ كەرەكتىگىن اڭعارمايدى. ەگەر بالا كەزدەن تابيعاتتى ايالاۋعا ۇيرەتسە, قازىر ونداي پروبلەما تۋىندا­ماس ەدى. سوندىقتان پرەزي­دە­نت ايتقان باستاما اب­دەن ءپىسىپ-جەتىلگەن ءارى قازاقستانعا كەرەك باستاما. مەنىڭ اۋانىڭ تازالىعى, قوقىستارعا قا­تىس­تى دا ايتارىم بار. ماسەلەن, بىزدە كاسپيدەگى با­لىق اۋلايتىن تورلار مەن تەڭىز­دەگى قوقىستار تۋرالى جوبا بولدى. بۇل ماسەلەنى دە مەك­تەپ وقۋشىلارىمەن كەڭى­نەن تالقىلاۋ قاجەت.

اسەل بايمۇقانوۆا,

ەكوبەلسەندى