ماڭعىستاۋ وبلىسىنىڭ اكىمى سەرىكباي ترۇموۆتىڭ تاپسىرماسىمەن بۇگىن وبلىس اكىمدىگىنىڭ 30 قىزمەتتىك كولىگى اقتاۋ قالاسىنداعى ەمحانالارعا بەرىلدى, دەپ حابارلادى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساي وتىرىپ.
پاندەميا كەزىندە موبيلدىك توپتاعى ۋچاسكەلىك دارىگەرلەر تۇرعىنداردىڭ شاقىرتۋىنا ەندى وسى كولىكتەرمەن بارادى. ەمحانالارداعىكولىكتىڭ جەتىسپەۋشىلىگىن ازايتۋ ۇشىن وبلىستىق اكىمدىكتىڭ قىزمەتتىك كولىكتەرى ەندى ۋچاسكەلىك دارىگەرلەردى تاسيتىن بولادى.
قازىرگى كەزدە اكىمدىك قىزمەتكەرلەرىنىڭ بىر بولىگى ونلاين رەجيمىندە جۇمىس ىستەيدى. سول سەبەپتى, مەملەكەتتىك قىزمەتكەرلەر وسى كولىكتەر قازىرگى كەزدە دارىگەرلەرگە قاجەت دەپ سانايدى.
ايتا كەتەيىك, وبلىستىق اكىمدىك كولىكتەردى دەزينفەكتسيالاۋدى, جانار-جاعارماي̆ قۇيۋدى, كولىك جۇرگىزۋشىلەرىن جەكە قورعانىش قۇرالدارىمەن قامتۋ جانە ت.ب. شىعىنداردى وز موينىنا الدى.
ايتا كەتەيىك, مەملەكەت باسشىسى قاسىم-جومارت توقاەۆ تەلەۆيزيالىق ۇندەۋىندە موبيلدى توپتاردىڭ سانى 3,5 مىڭعا دەيىن ارتتىرۋ كەرەك دەگەن بولاتىن. سوعان سايكەس وڭىردە دە وسىنداي توپتار قۇرىلدى.