سوڭعى كۇندەرى وڭىردە قاۋىپتى ىندەتتى جۇقتىرۋشىلار قاتارى كۇرت ءوستى. وبلىس اكىمى ماحامبەت دوسمۇحامبەتوۆتىڭ مالىمەتىنشە, 27 ناۋرىز - 7 شىلدە ارالىعىندا سيمپتومسىز ناۋقاستاردى قوسا ەسەپتەگەندە كوروناۆيرۋس ينفەكتسياسىنا شالدىققاندار سانى 6 156 ادامعا جەتتى.
ناۋقاستار جىلىوي اۋدانىنان كوپ انىقتالىپ وتىر. بۇل اۋداننان 2822 ادام ىندەتكە شالدىعىپتى. ونىڭ ىشىندە 2 063 جاعداي تەڭىز كەنىشىندەگى كاسىپورىنداردىڭ جۇمىسشىلارىنان راستالىپتى.
"كوروناۆيرۋس ينفەكتسياسىن جۇقتىرعانداردىڭ كوبى – 20 مەن 60 جاس ارالىعىنداعى ازاماتتار. ونىڭ ىشىندە 3 373 جاعداي سكرينينگ كەزىندە انىقتالدى. ال, 1 902 ناۋقاس قاۋىپتى ىندەتكە شالدىققاندارمەن جاقىن قارىم-قاتىناستا بولعاندار. قالعاندارىنان مەديتسينالىق كومەككە جۇگىنۋ كەزىندە بەلگىلى بولىپ وتىر. قازىرگى ۋاقىتتا اۋداندىق جانە اۋىلدىق جەرلەردە توي-تومالاق پەن جانازاعا جينالعاندار دا ۆيرۋستىڭ تارالۋىنا اسەرىن تيگىزدى", - دەدى وبلىس اكىمى ماحامبەت دوسمۇحامبەتوۆ تىكەلەي ەفيردە وتكەن بريفينگتە.
قازىر وبلىستا كوروناۆيرۋس جۇقتىرعان 6 156 ناۋقاستىڭ اراسىنان 1 476 پاتسيەنت عانا ساۋىعىپ شىقتى.