فۋتبولدان چەرنوگوريا ۇلتتىق قۇراماسى كۇز مەزگىلىندە قازاقستانمەن جولداستىق كەزدەسۋ وتكىزۋگە نيەتتى. بۇل تۋرالى چەرنوگوريا فۋتبول وداعىنىڭ رەسمي سايتى حابارلادى.
الدىن الا بولجام بويىنشا, جولداستىق كەزدەسۋ 11 قاراشادا پودگوريتسادا وتەدى دەپ جوسپارلانعان. جالپى, بۇگىنگە دەيىن قازاقستان مەن چەرنوگوريا قۇرامالارى جاسىل الاڭدا ءۇش رەت كەزدەسىپ, ۇشەۋىندە دە قاراتاۋلىقتار جەڭىسكە جەتكەن. ەكى ەل قۇراماسىنىڭ العاشقى تانىستىعى 2008 جىلى باستالعان. سول جىلدىڭ 27 مامىرىندا پودگوريتسادا وتكەن جولداستىق كەزدەسۋدە الاڭ يەلەرى 3:0 ەسەبىمەن باسىم تۇسكەن-ءدى.
ەكى ەل فۋتبولشىلارى سونداي-اق 2018 جىلى رەسەيدە ۇيىمداستىرىلعان الەم چەمپيوناتىنىڭ ىرىكتەۋ كەزەڭىندە ءبىر توپتا ونەر كورسەتتى. سىرت الاڭدا وتكەن العاشقى ماتچتا چەرنوگوريا 5:0 ەسەبىمەن جەڭىسكە جەتسە, 2017 جىلى ەلوردادا وتكەن باسەكەدە تاعى دا جەڭىلدىك. بۇل جولعى ەسەپ – 3:0. بار-جوعى 600 مىڭداي حالقى بار شاعىن عانا ەلدىڭ اياقدوپشىلارىنان وسىلايشا ءىرى ەسەپتەرمەن ۇتىلىپ جاتىرمىز.
ايتا كەتەرلىگى, ۇلتتار ليگاسى قىركۇيەك ايىندا باستالۋى ءتيىس. اتالعان دودادا قازاقستان س ديۆيزيونىندا البانيا, بەلارۋس جانە ليتۆامەن وينايدى.