يممۋندىق پلازما ءادىسى, ياعني ەمدەلۋشىلەرگە ساۋىقتىرىلعان قان پلازماسىن قۇيۋ العاش رەت اعىمداعى جىلدىڭ اقپان ايىنان باستاپ قىتايدا قولدانىلعان بولاتىن. قىتايلىق مەديتسينا قىزمەتكەرلەرىنىڭ زەرتتەۋ ناتيجەلەرى بويىنشا, ەمدەلۋشىلەردە ولاردىڭ ساۋىعۋى كەزىندە جينالعان پلازمادا كوروناۆيرۋستىڭ دامۋىن بەيتاراپتاندىرۋعا قابىلەتتى انتيدەنەلەر بولدى.
ءساۋىر ايىنان باستاپ بۇل پروتسەدۋرا رەسەيدە قولدانىلدى, قازاقستاندا بۇل ەمدەۋ ءادىسى وسى جىلدىڭ 15 ساۋىرىندە رەسمي تۇردە كلينيكالىق حاتتاماعا ەنگىزىلدى. قانداي دا ءبىر ينفەكتسيالاردى باستان كەشىرگەن پاتسيەنتتەردى پلازمامەن ەمدەۋ ادىستەمەسى بۇرىننان بەلگىلى جانە تيىمدىرەك بولىپ تابىلادى. قازاقستاندىقتاردىڭ اراسىندا بەلگىلى ءبىر اۋرۋعا شالدىعىپ, سول اۋرۋدى جەڭگەندەردىڭ پلازما قۇيۋىنا مۇمكىندىك بەرىلىپ وتىر. بۇل تۇرعىدا ماڭعىستاۋ وبلىسىنىڭ قان ورتالىعى العاشقى دونورلاردى قابىلداۋعا دايىن ەكەندىگىن مالىمدەدى. كوروناۆيرۋستى جەڭگەن جانە يممۋندىق پلازمامەن بولىسۋگە شەشىم قابىلداعاندار ءۇشىن ورتالىق پەن كابينەتتەرگە جەكە كىرۋ مۇمكىندىگى قاراستىرىلعان.
باسقا دونورلارمەن ولار كەزدەسپەيدى. الەۋەتتى دونور COVID-19 انتيدەنەلەرىنىڭ بار-جوعىنا الدىن الا تالداۋ تاپسىرادى, ولاردىڭ بار-جوعى راستالعاننان كەيىن دونوردى پلازمافەرەز راسىمىنە شاقىرادى. پروتسەدۋرا ستاندارتتى, قالىپتى پلازمادان ايىرماشىلىعى جوق. ءبىرىنشى كەزەكتە دونور ساۋالداما تولتىرىپ, بازاعا تىركەلىپ, العاشقى زەرتحانالىق تەست تاپسىرۋى كەرەك, بۇل گەموگلوبين, قان توبى, رەزۋس-فاكتور جانە الت باۋىر كورسەتكىشتەرى سىندى سىنامالاردان تۇرادى.
بارلىق سۇراقتار بويىنشا دارىگەردىڭ قابىلداۋىندا بولعان دونورعا جان-جاقتى تۇسىندىرىلەدى. اسىرەسە ادامنىڭ بويىن, سالماعىن, قان قىسىمىن, تەمپەراتۋراسىن ولشەيدى, ءارى قاراي قۇپيا اڭگىمە جۇرگىزىلەدى. يممۋندىق پلازما دونورلارىنا قويىلاتىن تالاپتار ستاندارتتى. ستاتسيوناردان شىققاننان كەيىن كەم دەگەندە ەكى اپتا ءۇي كارانتينىندە بولۋى ءتيىس. ءبىر دونوردان 2-3 دوزانى الۋعا بولادى. يممۋندىق پلازمانى ءار- ءتۇرلى پايدالانۋعا بولادى, بىراق مىندەتتى تۇردە مەديتسينالىق تالاپتار ساقتالۋى ءتيىس. پلازمانى ءۇش جىل بويى مۇزداتۋعا جانە ساقتاۋعا بولادى. الايدا ماماندار بۇل ءدارى-دارمەكتەرگە بالاما ەمەس ەكەندىگىن ايتۋدا.
ماڭعىستاۋ وبلىسى