باتىسقازاقستاندىق كاسىپكەر قانات جانعازيەۆ وبلىستىق كوپبەيىندى اۋرۋحاناعا جالپى قۇنى 2 ميلليون تەڭگەدەن جوعارى تۇراتىن ءۇش دانا تىنىس الۋ اپپاراتىن – وتتەگى كونتسەنتراتورىن تارتۋ ەتتىدەپ حابارلايدى Egemen.kz.
بارلىق جەردەگى سياقتى ورال قالاسىندا دا كوروناۆيرۋس ىندەتى ءورشىپ تۇر. ءوڭىر باسشىلىعى ءتىلسىز جاۋمەن كۇرەستە حالىق بولىپ قارسى تۇرۋ جونىندە ۇندەۋ تاستاعان بولاتىن. اۋرۋحاناداعى ناۋقاستارعا اسا قاجەت بولىپ تۇرعان مەديتسينالىق جابدىقتىڭ ءبىرى – قۇنى 680 مىڭ تەڭگە تۇراتىن وتتەگى كونتسەنتراتورى ەدى. "داۆيد ستروي" جشس ديرەكتورى قانات جانعازيەۆ باتىس قازاقستان وبلىستىق اۋرۋحاناسىنا وسى اپپاراتتىڭ ءۇش داناسىن بىردەن تارتۋ ەتتى. بۇل جابدىق اۋادان وتتەگى جاساپ, ناۋقاستاردىڭ تىنىس الۋىنا كومەكتەسەدى.
– جاناشىر ازاماتتار ناۋقاستارعا ۇلكەن كومەك كورسەتىپ جاتىر. قازىر اۋرۋحاناداعى جاعداي كۇردەلى. پراۆيزورلىق ستاتسيونارعا كۇنىنە جيىرمادان اسا ناۋقاس تۇسەدى. وسى ساتتەگى بىزگە كەرەك باستى قۇرال – ءدال وسى وتتەگى كونتسەنتراتورى ەدى. بۇل اپپاراتتار بىزگە, مۇنداعى ناۋقاستارعا ۇلكەن كومەك بولدى. سول ءۇشىن وسىنداي يگى ءىس جاساعان ازاماتتارعا العىسىمىزدى ايتامىز, - دەدى باتىس قازاقستان وبلىستىق كوپبەيىندى اۋرۋحاناسىنىڭ ديرەكتورى ارمان بايدەۋوۆ.
يگى باستاما يەسى قانات جانعازيەۆ وزگە ارىپتەستەرىن ىندەتپەن كۇرەستە حالىقپەن بىرگە بولۋعا شاقىردى.
ايتا كەتەيىك, باتىس قازاقستان وبلىسىندا ىندەت جۇقتىرعاندار سانى 3423-كە جەتكەن. ولاردىڭ 1185-ءى جازىلىپ, ۇيلەرىنە شىققان. جۋىردا وبلىستىق كوپبەيىندى اۋرۋحانادا 150 ورىن پروۆيزورلىق ستاتسيونار اشىلماق.
سۋرەتتى تۇسىرگەن داستان بيجانوۆ
باتىس قازاقستان