تۇركىستان وبلىسىنىڭ جاستارى ەلوردا كۇنىنە وراي ىزگى تىلەكتەرىن ۆيدەو-ارناۋ ارقىلى جولدادى - دەپ حابارلايدى Egemen.kz.
بيىل ەل استاناسى نۇر-سۇلتان قالاسىنىڭ قۇرىلعانىنا 22 جىل تولدى. ەلباسىنىڭ ساليحالى ساياساتىنىڭ جەمىسى مەن ەل بىرلىگىنىڭ ارقاسىندا الاتاۋ ەتەگىنەن سارىارقا توسىنە قونىس اۋدارىپ, از عانا ۋاقىتتا الەمدىك ساۋلەت ونەرىنىڭ عاجاپ ۇلگىسىنە اينالعان نۇر-سۇلتان قالاسى بۇگىندە جاستار مەن جاڭا مۇمكىندىكتەردىڭ ورداسىنا اينالدى.
وسىعان وراي, تۇركىستان وبلىسىنىڭ ءار اۋدانىنداعى جالىندى جاستارى باس قالاعا دەگەن ىزگى تىلەكتەرىن ولەڭ شۋماقتارى ارقىلى ءبىلدىرىپ, ىزگى سالەمدەرىن جولدادى. ولاردىڭ اراسىندا عىلىم مەن ءبىلىم, ونەر مەن سپورت سالاسىندا جەتىستىكتەرگە جەتكەن جاستار دا بار.
وبلىس جاستارى ەلوردا جاسامپازدىق پەن تاۋەلسىزدىكتىڭ سيمۆولى رەتىندە كۇللى قازاق دالاسىنىڭ بەت-بەينەسى بولىپ قالىپتاسقانىن, الەم ەلدەرى اراسىندا قۋانا ايتار ماقتانىشىمىزعا اينالعانىن ايتتى.
سونىمەن قاتار, تۇركى جۇرتىنىڭ تۇمارىنا اينالعان قاسيەتتى ولكەنىڭ جاستارى ەل استاناسىمەن بىرگە جاساپ, بارلىق باستامالارعا قولداۋ بىلدىرەتىندەرىن جەتكىزدى.