وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى نۇرلىبەك قابدىقاپاروۆتىڭ ءمالىم ەتۋىنشە, كوروناۆيرۋستىڭ جەڭىل تۇرىنە جانە ۆيرۋستىق ينفەكتسيالارعا شالدىققان ناۋقاستارعا ۇيدەن ەمدەلۋگە قاتىستى بىلىكتى دارىگەرلەر كەڭەس بەرەدى, - دەپ حابارلايدى Egemen.kz
"سOVID-19 ينفەكتسياسىنىڭ كۇشەيۋىنە بايلانىستى ناۋقاستارعا 24 ساعات بويى ونلاين رەجيمدە كونسۋلتاتسيالىق كومەك كورسەتىلمەك. اتىراۋ وبلىسىنىڭ اكىمى ماحامبەت دوسمۇحامبەتوۆتىڭ تاپسىرماسىمەن ءبىز تاجىريبەلى مەديتسينا ماماندارىن جۇمىلدىرىپ, call-ورتالىق اشىپ وتىرمىز. وسى ورتالىق ارقىلى وبلىس تۇرعىندارى كەز-كەلگەن ساۋالىنا جەدەل, ءارى ناقتى جاۋاپ الاتىن بولادى", - دەيدى نۇرلىبەك قابدىقاپاروۆ.
ونىڭ ايتۋىنشا, تۇرعىندار 103, 109 جانە 112 بايلانىس نومىرلەرىنە حابارلاسىپ, ءۇي جاعدايىندا قالاي ەمدەلۋ قاجەتتىگى, وقشاۋلانۋ ءتارتىبى, قانشا مەزگىلدە, قانداي ءدارى-دارمەكتەردى قابىلداۋ كەرەكتىگى جايلى تولىق اقپارات الادى. وپەراتورلار قوڭىراۋ شالعان ازاماتتاردى دارىگەرلەرمەن اۆتوماتتى تۇردە بايلانىستىرادى.
"قازىرگى ۋاقىتتا call-ورتالىققا 28 جالپى تاجىريبەلىك دارىگەر تارتىلدى. ولار كوروناۆيرۋس ينفەكتسياسىن, جرۆي مەن پنەۆمونيانى ەمدەۋ الگوريتمىنە سايكەس كونسۋلتاتيۆتىك كومەك كورسەتەدى. دارىگەرلەردىڭ كەڭەسى ارقىلى تۇرعىندار ءۇي جاعدايىندا قانداي ەم قابىلداۋلارى قاجەت ەكەنىن بىلەتىن بولادى. بۇل جەدەل جاردەم جۇمىسىن جەڭىلدەتۋگە سەپتىگىن تيگىزەدى. سall-ورتالىق ناۋقاستارعا قازىرگى جاعدايدا, اسىرەسە كارانتيندىك شەكتەۋ شارالارى كەزەڭىندە قاۋىپسىز تۇردە مەديتسينالىق قىزمەتكە جۇگىنە وتىرىپ, ۋاقىتىن ۇنەمدەۋگە مۇمكىندىك بەرەدى", - دەدى نۇرلىبەك قابدىقاپاروۆ.