قىزىلوردا وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى مەن "سپورتتىق تۋريزم جانە تۋريستىك كوپسايىس فەدەراتسياسى" جاستار قوعامدىق بىرلەستىگى جاس تۋريستەر اراسىندا "سپورت ەسىرتكىگە قارسى!" ۇرانىمەن جارىس وتكىزدى, - دەپ حابارلايدى Egemen.kz.
ناشاقورلىقتىڭ الدىن الۋعا باعىتتالعان اقپاراتتىق–ناسيحاتتاۋ جۇمىسى اياسىنداعى سايىس بالالار مەن جاسوسپىرىمدەردىڭپسيحوبەلسەندى زاتتاردىڭ تارالۋىنا جانە قولدانىلۋىنا قارسى تۇرۋىن قالىپتاستىرۋدى كوزدەپ وتىر.
جارىسقا قاتىسۋشىلار كارانتيندىك شارالاردى بارىنشا ساقتاي وتىرىپ, "كەدەرگىلەر جولاعىنان" ءوتۋ داعدىلارىن, سكالودروم شىڭىنا كوتەرىلۋ كەزىندە الپينيستىك دايىندىقتارىن كورسەتتى.
بالالار مەن جاسوسپىرىمدەر ءتۋريزمى بالالاردى تاربيەلەۋدىڭ, ولارعا كاسىپتىك باعدار بەرۋدىڭ, كەيىنگى بۋىن اراسىندا سالاۋاتتى ءومىر سالتىن ناسيحاتتاۋدىڭ ءتيىمدى جۇيەسى بولىپ تابىلادى.
بارلىق جاس تۋريستەر العىس حاتتار مەن سىيلىقتارعا يە بولدى.