ستەپنوگورسك قالاسىنىڭ ۋاقىتشا ۇستاۋ يزولياتورىنا قاماۋعا الىنعان كۇدىكتىنىڭ اتىنان بەلگىسىز بىرەۋلەر نەسيە راسىمدەپ, قارىزعا باتىرىپ قويعان كورىنەدى. قازىر اق-قاراسى تەكسەرىلۋ ۇستىندە, - دەپ جازادى Egemen.kz
كۇدىكتىنىڭ جۇبايى ورىن العان وقيعاعا تەرگەۋشىلەر كىنالى دەپ وتىر. ايتپەسە, قاماۋدا وتىرعان ادام نەسيە راسىمدەي الا ما؟ شىندىقتى باستان جاقتى ايىرعانداي ەتىپ ايتىپ, كورسەتىپ بەرىڭىزدەر دەپ تەرگەۋشىنىڭ ۇستىنەن ارىز جازعان.
ستەپنوگورسك قالاسىنىڭ تۇرعىنى قىلمىسقا قاتىستى دەگەن كۇدىكپەن ۋاقىتشا قاماۋعا الىنعان. قىلمىستىق ءىستى تەرگەۋ بارىسىندا كۇدىكتىنىڭ ۇيالى تەلەفونى مەن ابونەنتتىك ءنومىرى بار 2 سيم-كارتاسى الىنعان. ونى ايعاق رەتىندە قىلمىستىق ءىستىڭ ماتەريالدارىنا بەرىلگەن. كەيىن ستەپنوگورسك قالاسىنىڭ پوليتسيا بولىمىندەگى ساقتاۋ قويماسىنا تاپسىرىلعان. الدەكىمدەر وسى زاتتاردى پايدالانۋى ابدەن مۇمكىن دەيدى كۇدىكتىنىڭ جۇبايى.
تۇسكەن ارىزعا سايكەس قر قىلمىستىق كودەكسى 190-شى بابىنىڭ 1-ءشى تارماعىنا سايكەس "الاياقتىق" دەرەگى بويىنشا سوتقا دەيىنگى تەرگەۋ ءىسى قوزعالدى. قازىرگى ۋاقىتتا تەرگەۋ جۇرگىزىلۋدە.
اقمولا وبلىسى