الماتى وبلىسىندا "LED-فارلارى" بار اۆتوكولىكتەردى انىقتاۋ جۇمىستارى جۇرگىزىلىپ جاتىر. اۆتوموبيل نارىعىنىڭ ءارتۇرلى جاڭا جانە زاماناۋي جابدىقتارمەن تولىقتىرىلۋىنا بايلانىستى, جۇرگىزۋشىلەر ەل زاڭناماسىنىڭ نورمالارىن بۇزىپ جاتىر. بۇل تۋرالى ءىىم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
"سوڭعى ۇلگىگە ساي بولۋ ءۇشىن جۇرگىزۋشىلەر وزدەرىنىڭ اۆتوكولىكتەرىنە LED جارىقتاندىرۋ تەحنيكالارىن ورناتۋعا ۇمتىلادى, الايدا بۇل ءاردايىم دۇرىس بولا بەرمەيدى. مىسالى, تالدىقورعان قالاسىنىڭ وزىنەن بۇگىنگى كۇنى كولىك قۇرالدارىنا تىيىم سالىنعان LED-فارلاردى ورناتۋدىڭ 86 دەرەگى انىقتالدى. بارلىق جۇرگىزۋشىلەر اكىمشىلىك جاۋاپكەرشىلىككە تارتىلدى", دەيدى تالدىقورعان قالالىق پوليتسيا باسقارماسى پاترۋلدىك پوليتسيا روتاسىنىڭ كومانديرى ولجاس وتاروۆ.
سونىمەن قاتار قر اقبتك 590-بابىنا سايكەس كولىك قۇرالدارىن پايدالانۋ ەرەجەلەرىن بۇزۋعا بايلانىستى تەحنيكالىق رەگلامەنت تالاپتارىن ورىنداماۋدىڭ 716 دەرەگى انىقتالدى, ولاردىڭ قاتارىندا 73 جۇرگىزۋشى مەملەكەتتىك تىركەۋ ءنومىر بەلگىسىنسىز كولىك جۇرگىزگەن, 78 اۆتوكولىك جۇرگىزۋشىسىنىڭ كولىكتەرى تەحنيكالىق بايقاۋدان وتپەگەن جانە باسقا دا دەرەكتەر بار.
"جالپى, LED-فارلاردى ورناتۋ ءوندىرۋشى زاۋىتتاردىڭ كولىك قۇرالىنىڭ كونسترۋكتسياسىنا قوياتىن تالاپتارىنا بايلانىستى, ويتكەنى كولىك قۇرالدارىن پايدالانۋ ەرەجەلەرىنە سايكەس, ەگەر سىرتقى جارىق قۇرالدارىنىڭ سانى, ءتۇرى, ءتۇسى, ورنالاسۋى جانە جۇمىس ءتارتىبى كولىك قۇرالىنىڭ كونسترۋكتسيا تالاپتارىنا سايكەس كەلمەسە, وندا وعان تىيىم سالىنادى", - دەيدى وتاروۆ.