«كازگيپرونەفتەترانس» ينجينيرينگ كومپانياسى» جشس «ازاماتتارعا ارنالعان ۇكىمەت» مك كەاق الماتى قالاسى فيليالىنا مىڭنان اسا قاۋىپسىزدىك كاسكاسىن تاپسىردى.
«كازگيپرونەفتەترانس» ينجينيرينگ كومپانياسى» جشس وكىلدەرى گۇلجاينا نىسانوۆا مەن ەلدار احاجانوۆ كومپانيا جاساعان قاۋىپسىزدىك كاسكالارىنىڭ مىڭنان اسا داناسىن «ازاماتتارعا ارنالعان ۇكىمەت» مك كەاق الماتى قالاسى فيليالىنىڭ ديرەكتورى دانيار قىرىقباەۆقا تاپسىردى.
كاسىپورىن باسشىلىعى توتەنشە جاعداي كەزىندە جەدەل ارەكەت ەتۋ ءۇشىن ازىرلەنگەن جوسپارعا سايكەس شارالاردى قولعا العان بولاتىن. سونىڭ ءبىرى – كومپانيا قىزمەتكەرلەرىنىڭ باستاماسىمەن, ازاماتتارمەن بەتپە-بەت جۇمىس ىستەيتىن مەكەمەلەر قىزمەتكەرلەرى ءۇشىن قورعانىس كاسكالارىن جاساۋدى قولعا العان. ولار وزدەرى قۇراستىرعان قورعانىس كاسكالارىنىڭ ءبىر پارتياسىن الماتى حقو-لارىنىڭ قىزمەتكەرلەرىنە تاپسىرۋعا شەشىم قابىلداعان ەكەن.
«بۇل COVID-19 ۆيرۋسىنىڭ ءورشىپ تۇرعان شاعىندا حالىقپەن بەتپە-بەت جۇمىس ىستەپ وتىرعان ءبىزدىڭ قىزمەتكەرلەرىمىزگە جاسالعان ۇلكەن سىي بولدى. ازاماتتارىمىزدىڭ, ونىڭ ىشىندە ءبىزدىڭ قىزمەتكەرلەرىمىزدىڭ جاعدايىن ەسكەرىپ, وسىنداي قىمبات تارتۋ جاساعاندارىڭىزعا العىسىمىز شەكسىز», دەدى كومپانيا سىيلىعىن قابىلداپ العان فيليال ديرەكتورى دانيار باتان ۇلى.
الماتى قالاسىندا «ازاماتتارعا ارنالعان ۇكىمەتتىڭ» 17 فرونت-ءوفيسى جۇمىس ىستەيدى. وندا 950 مامان حالىققا قىزمەت كورسەتىپ وتىر. قاۋىپسىزدىك كاسكالارى سول قىزمەتكەرلەرگە تاراتىلىپ بەرىلمەك.
«قورعانىس كاسكالارىن جاساۋعا كومپانيانىڭ باستاماشىل ەرىكتىلەرى كومەكتەستى. حقو قىزمەتكەرلەرى حالىقپەن ۇزدىكسىز جۇمىس ىستەيتىن بولعاندىقتان, 1050 دانا قورعانىس كاسكاسىن «ازاماتتارعا ارنالعان ۇكىمەت» مك كەاق الماتى قالاسى فيليالىنىڭ قىزمەتكەرلەرىنە تەگىن تاپسىرۋدى ءجون كوردىك», دەيدى «كازگيپرونەفتەترانس» ينجينيرينگ كومپانياسى» جشس وكىلى گۇلجاينار نىسانوۆا.
بۇل الماتى قالاسى حقو-لارىنا كاسىپكەرلەر تاپسىرعان العاشقى تارتۋ ەمەس. وسىعان دەيىن جاس كاسىپكەر ايدار جاقىپوۆ قۇنى 5 ملن تەڭگە تۇراتىن تەپلوۆيزيوندى كامەرانى سىيعا تارتقان بولاتىن. اپپارات ادامعا جاناسۋسىز, ءبىر مەزگىلدە 1-دەن 2,5 مەترگە دەيىنگى قاشىقتىقتا 30 ادامنىڭ دەنە قىزۋىن ولشەيدى جانە بەتپەردەسىز تۇرعانداردى انىقتاي الادى. اتالعان كامەرا مەدەۋ اۋداندىق حقو-عا ورناتىلىپ, ءبولىم ۇجىمى ونىڭ يگىلىگىن كورۋدە.
وسىلايشا, ەلىمىزدىڭ ازاماتتارى ءبىر-بىرىنە قولداۋ كورسەتىپ, ىندەتتەن امان-ەسەن شىعۋعا كومەكتەسۋدە. ءبارىمىز بىرگە بولساق, قيىندىقتاردى جەڭەتىنىمىز ءسوزسىز!