قازۇۋ-دىڭ بۇرىنعى رەكتورى, ۇعا اكادەميگى, ەكونوميكا عىلىمدارىنىڭ دوكتورى, پروفەسسور كوپجاcار نارىباەۆ كوز جۇمدى. بۇل تۋرالى پروفەسسور دۇكەن ماسىمحان ۇلى Facebook پاراقشاسىندا جازدى, - دەپ حابارلادى Egemen.kz.
"82 جاسقا قاراعان شاعىندا كورنەكتى مەملەكەت جانە قوعام قايراتكەرى, قر ۇعا اكادەميگى, ەكونوميكا عىلىمدارىنىڭ دوكتورى, پروفەسسور, سانالى عۇمىرىن قازاق ەلىنىڭ عىلىم-ءبىلىم سالاسىن ۇيىمداستىرۋ مەن باسقارۋ ىسىنە ارناعان ۇستاز, عالىم كوپجاcار ءنارىباي ۇلى بۇگىن بۇل پانيگە قوش ايتىپ, باقيلىق مەكەنىنە اتتانىپ كەتىپتى", - دەپ جازدى دۇكەن ءماسىمحان ۇلى.
كوپجاسار نارىباەۆ - قوعام جانە ساياسي قايراتكەر, قازاقستاننىڭ ەڭبەك سىڭىرگەن عىلىم قايراتكەرى, ەكونوميكا عىلىمدارىنىڭ دوكتورى, پروفەسسور. عالىم كوپجاسار نارىباەۆ 1938 جىلى 3 ماۋسىم كۇنى جامبىل وبلىسى, جامبىل اۋدانى, بەكتوبە اۋىلىندا دۇنيەگە كەلگەن.
1960 جىلى س.م.كيروۆ اتىنداعى قازمۋ-ءنىڭ (قازىرگى قازۇۋ) ەكونوميكا فاكۋلتەتىن بىتىرگەن. ول قازاق كسر جوعارى جانە ارنايى ورتا ءبىلىم ءمينيسترىنىڭ ورىنباسارى. ال 1983جىلى قر جوعارى جانە ارنايى ورتا ءبىلىم ءمينيسترى قىزمەتىن اتقاردى. 1994 جىلى عالىم قر ۇعا-نىڭ كوررەسپوندەنت-مۇشەسى بولىپ سايلانادى. نارىباەۆ 1991-2001 جىلدار ارالىعىندا ءال-فارابي اتىنداعى قازاق ۇلتتىق ۋنيۆەرسيتەتتىنىڭ رەكتورى بولدى. 2002-2006 جج. اكادەميك ك.ن.نارىباەۆ الماتى تەحنولوگيالىق ۋنيۆەرسيتەتىنىڭ پرورەكتورلىق قىزمەتىن اتقاردى. 2006 جىلدىڭ ورتاسىنان ك.ن.نارىباەۆ قىزمەتىن ءبىلىم جانە عىلىم مينيسترلىگىنىڭ ەكونوميكا ينستيتۋتىنا اۋىستىرادى. 2008 جىلى ءبىلىم جانە عىلىم مينيسترلىگىنىڭ جانىنداعى رەسپۋبليكالىق ءبىلىمدى دامىتۋ كەڭەسىنىڭ مۇشەسى جانە توراعا ورىنباسارى قىزمەتىن اتقاردى.
كوپجاسار نارىباەۆ - ەكونوميكانى باسقارۋ سالاسىن جوعارعى وقۋ ورىندارىندا ۇيىمداستىرۋ جونىندەگى بەلدى عالىم.