يسپانيا چەمپيوناتىنىڭ 28 تۋرىندا "ەيباردىڭ" قاقپاسىنا گول سوققان "رەالدىڭ" ويىنشىسى سەرحيو راموس لا ليگا تاريحىنداعى ەڭ مەرگەن قورعاۋشىلار سايىسىندا داڭقتى رونالد كۋماندى قۋىپ جەتكەنى جايىندا ءبىز بۇعان دەيىن جازعانبىز, - دەپ حابارلايدى Egemen.kz.
29 تۋردا كورولدىك كلۋب سىرت الاڭدا "رەال سوسەدادقا" قارسى وينادى. باسەكە بارىسىندا الاڭ يەلەرى قاقپاسىنا 11 مەترلىك ايىپ دوبى بەلگىلەندى. نۇكتەگە كەلگەن سەرحيو راموس ءمۇلت كەتكەن جوق. ءسويتىپ, ول لا ليگاداعى 68 گولىن سوعىپ, ايگىلى نيدەرلاند فۋتبولشىسى رونالد كۋماندى باسىپ وزدى. بۇگىنگى تاڭدا قورعاۋشىلار اراسىنداعى ەڭ ۇزدىك كورسەتكىش ءدال وسى فۋتبولشىعا تيەسىلى.
ەستەرىڭىزگە سالا كەتەيىك, 1989-1995 جىلدار ارالىعىندا "بارسەلونانىڭ" نامىسىن قورعاعان رونالد كۋمان 67 گولىنىڭ 46-سىن 11 مەترلىك نۇكتەدەن سوققان. ال سەرحيو راموس 68 گولدىڭ 13-ءىن عانا قاقپاعا سول نۇكتەدەن ەنگىزدى.