قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ اتىنا رەسەي فەدەراتسياسىنىڭ پرەزيدەنتى ۆلاديمير پۋتيننەن, قىتاي حالىق رەسپۋبليكاسىنىڭ توراعاسى سي تسزينپيننەن, تۇركيا رەسپۋبليكاسىنىڭ پرەزيدەنتى رەجەپ تايپ ەردوعاننان, وزبەكستان رەسپۋبليكاسىنىڭ پرەزيدەنتى شاۆكات ميرزيوەۆتەن, تۇرىكمەنستاننىڭ پرەزيدەنتى گۋربانگۋلى بەردىمۇحامەدوۆتەن, تاجىكستان رەسپۋبليكاسىنىڭ پرەزيدەنتى ەمومالي راحموننان, سەربيا رەسپۋبليكاسىنىڭ پرەزيدەنتى الەكساندر ۆۋچيچتەن جانە حورۆاتيا رەسپۋبليكاسىنىڭ بۇرىنعى پرەزيدەنتى ستەپان مەسيچتەن جەدەلحاتتار كەلىپ ءتۇستى. سونداي-اق اتالعان تۇلعالار ەلباسىنىڭ سىرقاتتانىپ قالۋىنا بايلانىستى ءوز جەدەلحاتتارى ارقىلى الاڭداۋشىلىقتارىن بىلدىرە وتىرىپ, تەزىرەك ساۋىعىپ كەتۋىنە تىلەكتەس ەكەندىگىن جەتكىزدى, دەپ حابارلادى ەلباسىنىڭ ءباسپاسوز قىزمەتى.
«مەن سىزگە وسى قيىن ساتتە قولداۋ بىلدىرگىم كەلەدى. ءسىزدىڭ ەرەكشە ومىرلىك ەنەرگياڭىز, سەرگەكتىگىڭىز بەن ءوپتيميزمىڭىز قىسقا مەرزىمدە ۆيرۋستى جەڭۋگە كومەكتەسەدى دەپ سەنەمىن. شىن جۇرەكتەن ءسىزدىڭ تولىق ايىعىپ كەتۋىڭىزدى تىلەيمىن. دەنىڭىز ساۋ بولسىن», دەلىنگەن رەسەي فەدەراتسياسى پرەزيدەنتىنىڭ جەدەلحاتىندا.
* * *
قحر توراعاسىنىڭ جەدەلحاتىندا: «كوروناۆيرۋس ينفەكتسياسى ءورشي باستاعان ساتتەن قىتاي مەن قازاقستان ەپيدەمياعا قارسى جەمىستى ىنتىماقتاستىق جۇرگىزىپ كەلەدى. بۇل قىتاي-قازاقستان قاتىناستارىنىڭ ماڭگىلىك جان-جاقتى ستراتەگيالىق سەرىكتەستىگىنىڭ جوعارى دەڭگەيى مەن ەرەكشە سيپاتىن كورسەتىپ وتىر. سونداي-اق حالىقارالىق قاۋىمداستىق ءۇشىن پاندەمياعا قارسى بىرلەسىپ ارەكەت ەتۋدىڭ جارقىن ۇلگىسىنە اينالدى. ەپيدەميانى جەڭەتىنىمىزگە كامىل سەنىمدىمىن. ال ەكىجاقتى قاتىناس بۇدان دا ناتيجەلى دامي تۇسەدى دەگەن ويدامىن. مەن سىزبەن قالىپتاسقان جاقىن دوستىق قارىم-قاتىناستى ەرەكشە باعالايمىن جانە شىن جۇرەكتەن تەزىرەك ساۋىعىپ كەتۋىڭىزدى تىلەيمىن», دەپ جازىلعان.
* * *
تۇركيا پرەزيدەنتى تىلەۋلەستىگىن ءوز جەدەلحاتى ارقىلى بىلاي جەتكىزدى: «سىرقاتتانىپ قالعانىڭىزدى وكىنىشپەن ەستىدىم. اللادان شيپا بەرۋىن تىلەيمىن. ۇنەمى جەڭىسپەن ەڭسەرگەن كۇرەستەردەگى سىندى بۇل سىناقتى دا جىگەرىڭىزبەن ارتقا تاستايتىنىڭىزعا كامىل سەنەمىن. قانداي دا ءبىر قاجەتتىلىك تۋىنداعان جاعدايدا قولىمىزداعى بارلىق مۇمكىندىگىمىزبەن جانىڭىزدا ەكەنىمىزدى جەتكىزگىم كەلەدى. سىزگە دەگەن تەرەڭ قۇرمەت پەن سۇيىسپەنشىلىك سەزىمىمەن جەكە ءوزىم جانە بارشا تۇرىك حالقى اتىنان تەزىرەك ساۋىعىپ كەتۋىڭىزدى شىن جۇرەكتەن تىلەيمىن».
* * *
وزبەكستان پرەزيدەنتى ءوز لەبىزىن جەدەلحات ارقىلى: «سىزگە وسىناۋ قيىن-قىستاۋ ۋاقىتتا جان-جاقتى قولداۋ كورسەتۋگە جانە جانىڭىزدا بولۋعا دايىن ەكەنىمدى جەتكىزگىم كەلەدى. جاقىن ارادا ءسىزدىڭ بۇل ۆيرۋستى جەڭىپ, ساۋىعىپ كەتەتىنىڭىزگە سەنىمدىمىن.
قۇرمەتتى نۇرسۇلتان ءابىش ۇلى, اللا تاعالا سىزگە زور دەنساۋلىق, كۇش-قۋات, ۇزاق عۇمىر جانە جاڭا تابىس بەرسىن دەپ تىلەيمىن. جاقىندا وزىڭىزبەن جۇزدەسۋ مۇمكىندىگى تۋادى دەگەن ۇمىتتەمىن», دەپ بىلدىرگەن.
* * *
«ومىرلىك ەنەرگياڭىز بەن ەرىك-جىگەرىڭىزدىڭ ارقاسىندا ءسىز بۇل دەرتتى قىسقا مەرزىمدە ەڭسەرەسىز دەپ سەنەمىن. ءسىزدى بارىنشا قولداۋعا جانە قاجەت بولعان جاعدايدا كومەكتەسۋگە دايىنمىن. شىن جۇرەكتەن تەزىرەك ساۋىعىپ كەتۋىڭىزدى تىلەيمىن. اللا تاعالا سىزگە مىقتى دەنساۋلىق جانە ۇزاق عۇمىر بەرسىن», دەلىنگەن تۇرىكمەنستان پرەزيدەنتىنىڭ جەدەلحاتىندا.
* * *
تاجىكستان پرەزيدەنتىنىڭ جەدەلحاتىندا: «سىزگە باۋىرلاستىق قولداۋىمدى بىلدىرگىم كەلەدى. شىن جۇرەكتەن تەزىرەك تولىق ساۋىعىپ كەتۋىڭىزدى جانە ۇزاق عۇمىر, باق-بەرەكە تىلەيمىن. سىزگە دەگەن زور قۇرمەتىم مەن ىستىق ىقىلاسىمدى قابىل الىڭىز», دەلىنگەن.
* * *
سەربيا پرەزيدەنتى ءوز جەدەلحاتى ارقىلى: «وزىڭىزگە ءتان ەنەرگيا, كۇش-قايرات, وپتيميزم كوروناۆيرۋستان باسىم تۇسەرىنە سەنە وتىرىپ, سىزگە قولداۋىمدى بىلدىرگىم كەلەدى. جاقىن ارادا حالىقارالىق قوعامداستىق ءوزارا تۇسىنىستىك پەن ىنتىماقتاستىقتىڭ ارقاسىندا پاندەميانى ەڭسەرەدى جانە كەدەرگىسىز الەۋمەتتىك-ەكونوميكالىق دامۋ جولىنا قايتا ورالادى دەگەن ۇمىتتەمىن. ايىعىپ كەتۋىڭىزدى شىن جۇرەكتەن تىلەيمىن. مەنىڭ زور قۇرمەتىم مەن ىستىق ىقىلاسىمدى قابىل الىڭىز», دەگەن ىزگى تىلەگىن جولداعان.
* * *
سونداي-اق كەيبىر مەملەكەت باسشىلارى ەلباسىنا ارنالعان سالەمىن Twitter الەۋمەتتىك جەلىسى ارقىلى جەتكىزدى. اتاپ ايتقاندا, يزرايل پرەزيدەنتى رەۋۆەن ريۆلين نۇرسۇلتان نازارباەۆقا تەزىرەك ساۋىعىپ كەتۋىنە تىلەكتەستىك بىلدىرە وتىرىپ, ءبىزدىڭ ەلدەرىمىزدىڭ جاقسى قارىم-قاتىناستى جالعاستىرىپ كەلە جاتقانىن جەتكىزدى.
* * *
ءۇندىستاننىڭ پرەمەر-ءمينيسترى نارەندرا مودي دە ءوزىنىڭ ىزگى تىلەگىن الەۋمەتتىك جەلى ارقىلى ءبىلدىردى.
«قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ تەزىرەك ساۋىعىپ كەتۋىن جانە مىقتى دەنساۋلىق تىلەيمىن. ءبىز قازاقستاندى, ءبىزدىڭ دوسىمىزدى جانە ستراتەگيالىق سەرىكتەسىمىزدى COVID-19 پاندەمياسىن جەڭۋگە دەگەن ۇمتىلىسىن قولدايمىز», دەپ جازدى ءۇندىستاننىڭ پرەمەر-ءمينيسترى نارەندرا مودي ءوزىنىڭ Twitter-دەگى جازباسىندا.
* * *
حورۆاتيانىڭ بۇرىنعى پرەزيدەنتى ستەپان مەسيچ قازاقستاننىڭ تۇڭعىش پرەزيدەنتىنە جولداعان جەدەلحاتىندا: ء«سىزدىڭ سىرقاتتانىپ قالعانىڭىز تۋرالى حاباردى الاڭداۋشىلىقپەن قابىلدادىم. شىن جۇرەكتەن تەزىرەك تولىق ساۋىعىپ كەتۋىڭىزدى, كۇش-قايرات پەن سارقىلماس وپتيميزم تىلەيمىن», دەپ جازدى.
* * *
سونداي-اق ەلباسىنىڭ دەنساۋلىعىنا اقش-تىڭ مەملەكەتتىك حاتشىسى مايك پومپەو دا الاڭداۋشىلىعىن ءبىلدىردى. «قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ COVID-19 ىندەتىنەن تەزىرەك تولىق ساۋىعىپ شىعۋىن تىلەيمىن. ەلدەرىمىز ءۇشىن قازىر سىن ساعاتى تۋىندادى. بۇل ىندەتتى دە بىرلەسە جەڭەتىنىمىزگە سەنىمدىمىن. تەز ساۋىعىپ كەتىڭىز جانە امان بولىڭىز!» دەپ ول ءوز تىلەگىن Twitter-دەگى جەكە پاراقشاسىندا.
* * *
تۇڭعىش پرەزيدەنت – ەلباسى نۇرسۇلتان نازارباەۆقا ىزگى تىلەگىن جولداعان حاتتار لەگى قازاقستاندىقتار مەن شەتەل ازاماتتارى تاراپىنان دا تولاسسىز جالعاسۋدا.
ءماجىلىس دەپۋتاتتارى نۇرسۇلتان نازارباەۆتىڭ تەزىرەك ساۋىعىپ كەتۋىن تىلەي وتىرىپ, سارقىلماس كۇش-قۋاتى مەن ەرىك-جىگەرى ەلباسىنا كوروناۆيرۋس ىندەتىن جەڭۋگە مۇمكىندىك بەرەتىنىنە سەنىم ءبىلدىردى. ءماجىلىستىڭ ءباسپاسوز قىزمەتى حابارلاعانداي, دەپۋتاتتار تۇڭعىش پرەزيدەنتتىڭ كەز كەلگەن جاعدايدان جول تاباتىن ەرەكشە قابىلەتى ەلىمىزدىڭ قيىن-قىستاۋ ۋاقىتتارعا توتەپ بەرىپ, بولاشاققا سەنىممەن قاراۋعا مۇمكىندىك بەرەدى دەپ ەسەپتەيدى. سونداي-اق ءماجىلىس دەپۋتاتتارى وسى كۇنى بارلىق قازاقستاندىقتاردىڭ ەلباسىنا شىنايى جاناشىرلىق تانىتۋى, حالىقتىق قولداۋىن ايعاقتايتىنىن اتاپ ءوتتى. ء«بىز ەلباسىمىز نۇرسۇلتان ءابىش ۇلى نازارباەۆتىڭ تەزىرەك ساۋىعىن جانە ۇزاق عۇمىر تىلەيمىز», دەدى ءماجىلىس دەپۋتاتتارى.
قازاقستان رەسپۋبليكاسى كونستيتۋتسيالىق كەڭەسىنىڭ توراعاسى ق.ءمامي ەلىمىزدىڭ تۇڭعىش پرەزيدەنتى – ەلباسى, كونستيتۋتسيالىق كەڭەستىڭ عۇمىر بويى مۇشەسى ن.ءا.نازارباەۆقا ءوزىنىڭ جىلى لەبىزىن بىلاي ءبىلدىرىپتى: «قۇرمەتتى نۇرسۇلتان ءابىش ۇلى! ءسىزدىڭ كوروناۆيرۋس ينفەكتسياسىنىڭ سالدارىنان ءوزىن-ءوزى وقشاۋلاۋ رەجىمىنە كوشكەنىڭىز تۋرالى حاباردى مەن جانە كونستيتۋتسيالىق كەڭەس قۇرامى دا الاڭداۋشىلىقپەن قابىلدادى. ءسىزدىڭ بۇكىل ءومىرىڭىز بەن ەڭبەك جولىڭىز كونستيتۋتسيالىق قۇندىلىقتاردى بەكىتۋ ىسىندەگى قيىندىقتار مەن جاڭا سىن-قاتەرلەردى ەڭسەرۋمەن بايلانىستى. كۇش-جىگەرگە تولى مىنەزىڭىزدىڭ, وپتيميستىك ۇستانىمىڭىزدىڭ جانە مىقتى رۋحىڭىزدىڭ ارقاسىندا ءسىز ارقاشان وقيعالار بارىسىن باعىندىرىپ, قوعام مەن مەملەكەتتى جاڭعىرتۋداعى بەرىك باعىتىڭىزدى قامتاماسىز ەتە الدىڭىز. كونستيتۋتسيالىق كەڭەستىڭ عۇمىر بويى مۇشەسى رەتىندە ءسىز اتا زاڭنىڭ ۇستەمدىگىن قامتاماسىز ەتۋ جونىندەگى قىزمەتكە جاڭا سەرپىن بەرىپ وتىرسىز. كونستيتۋتسيالىق كەڭەس ۇجىمى جالپىحالىقتىق قولداۋعا قوسىلادى جانە سىزگە تەز ساۋىعىپ كەتۋىڭىزدى, وتانعا دەگەن جاسامپاز قىزمەتىڭىزدى ودان ءارى جالعاستىرۋدى تىلەيدى».
«اسا قادىرلى نۇرسۇلتان ءابىش ۇلى! تەلەديدار مەن گازەتتەن ءسىزدىڭ ناۋقاستانىپ قالعانىڭىزدى ءبىلىپ, حاتپەن دە بولسا كوڭىلىڭىزدى دەمەگىمىز كەلدى. تەزىرەك ساۋىعىپ كەتىڭىز! امان-ەسەن حالقىڭىزبەن قاۋىشىڭىز, – دەيدى ىزگى نيەتپەن قازاقستان ۇلتتىق عىلىم اكادەمياسىنىڭ اكادەميكتەرى س.قيراباەۆ پەن ءا.بەيسەنوۆا, – «ەل تىلەگى – ەر تىلەگى» دەگەن. ءدال وسى جاۋاپتى دا قيىن ۋاقىتتا ءسىزدىڭ ەسەندىگىڭىز وتانىمىز ءۇشىن اسا ماڭىزدى. ءتۋابىتتى كۇرەسكەر, قايتپاس قايسار تۇلعاسىز, سوندىقتان توتەننەن كەلگەن بۇل كەسەلدى دە جەڭەتىنىڭىزگە سەنىمدىمىز. جاراتقان يەمىز سىزگە ەرىك-جىگەر, كۇش-قۋات بەرسىن. ساناۋلى كۇندەردە ماڭدايىڭىز جارقىراپ, وتباسى-اۋلەتىڭىزدىڭ ورتاسىندا, ەل الدىنا شىعۋعا جازسىن. شۋاقتى, ارايلى كۇندەر كوپ بولسىن!»
ال اكادەميك ت.شارمانوۆ ءوز تىلەگىن: «بۇگىنگى تاڭدا حالىقتىڭ مازاسىن العان كوروناۆيرۋس ينفەكتسياسىنان تەزىرەك جازىلىپ كەتۋىڭىزگە شىنايى تىلەگىمدى جولدايمىن. تاۋەلسىز قازاقستان حالقىنىڭ ارايلاعان تاڭى ءاردايىم وزىڭىزبەن بىرگە اتىپ كەلەدى. لايىم, ۇزاق ۋاقىت بويى وسىلاي بولۋعا جازسىن. زور دەنساۋلىق, ساپالى ۇزاق عۇمىر تىلەيمىن», دەپ جولدادى.
«ArcelorMittal» كومپانياسىنىڭ توراعاسى – باس ديرەكتور ل.ن.ميتتال دا تۇڭعىش پرەزيدەنتتىڭ تەزىرەك ساۋىعىپ كەتۋىنە تىلەكتەستىگىن ءبىلدىردى.
«مۇنايگاز كەشەنى ارداگەرلەرى» رقب كەڭەسىنىڭ توراعاسى, قازاقستاننىڭ ەڭبەك ەرى ۇزاقباي قارابالين مەن وسى قوعامدىق بىرلەستىكتىڭ باس ديرەكتورى زەينوللا الشىمباەۆ: «بىزدەر – مۇنايشىلار, ءبىزدى نۇرسۇلتان ابىش ۇلىمەن تىعىز دا بولىنبەس بايلانىس بىرىكتىرىپ تۇر دەپ ەسەپتەيمىز. ءبىزدىڭ ارىپتەستەرىمىز ارقاشان مۇنايگاز سالاسىنىڭ قارىشتاپ دامۋىنا سەبەپ بولعان ونىڭ قامقور كوزقاراسىن ۇمىتقان ەمەس. ءبىز, قازاقستاندىق مۇنايشىلار, ەلباسىن ەلىمىزدىڭ «№1 مۇنايشىسى» دەپ اتايمىز. بولعان ىسكە قاراماستان, ەلباسىنىڭ تەمىردەي ەرىك-جىگەرىن, ونىڭ ومىرلىك ەنەرگياسىن, بەرىك رۋحىن جاقسى بىلەمىز. مىنە, ناق وسى اسىل قاسيەتتەرى ونى بۇل سىناقتان دا الىپ شىعاتىنىنا بەك سەنەمىز. مۇنايگاز سالاسىنىڭ ارداگەرلەرى, نۇرسۇلتان ءابىش ۇلىنىڭ تەزىرەك ساۋىعىپ كەتۋىنە شىن جۇرەكتەن تىلەكتەستىك بىلدىرەدى. سىزگە ۇزاق تا بەلسەندى, شىعارماشىلىق ءومىر تىلەيمىز. قادىرلى ەلباسى, ءبىز ارقاشان سىزبەن بىرگەمىز!», دەيدى وزدەرىنىڭ قولداۋ-حاتىندا.
م.يۋ.لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ ۇجىمى: «ەلباسىن ءومىردىڭ قاي سوققىسىنا دا توتەپ بەرە الاتىن كۇرەسكەر رەتىندە بىلەمىز. جەر جۇزىندە ميلليونداعان ادام ەلباسىنا ۇلكەن قۇرمەتپەن, ماحابباتپەن قارايدى. ءبىز دە دەنساۋلىق تىلەگەندەرگە قوسىلىپ, ەلباسىنا كۇش, جىگەر مەن جاقسى كوڭىل كۇي تىلەيمىز», دەپ جازادى.
«نازارباەۆ زياتكەرلىك مەكتەبى» دەربەس ءبىلىم بەرۋ ۇيىمىنىڭ باسقارما توراعاسى ك.ءشامشيدينوۆا ءوز حاتىندا: ء«بىز, نازارباەۆ زياتكەرلىك مەكتەبىنىڭ وقۋشىلارى مەن مۇعالىمدەرى, ءسىزدىڭ وقشاۋلانعانىڭىز تۋرالى حاباردى ەستىپ, قاتتى الاڭدادىق. ءسىزدى ۋايىمدايمىز. ءسىزدىڭ تاباندىلىعىڭىز, ومىرگە قۇشتارلىعىڭىز, جىگەرىڭىز بەن قۋاتىڭىز بۇل اۋرۋدى جەڭەدى دەپ سەنەمىز», دەپتى.
ء«وزىڭىز نەگىزىن قالاعان ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ۇجىمى تەزىرەك ايىعۋىڭىزعا, قيىندىقتى ەڭسەرۋىڭىزگە تىلەكتەس. بۇل سىناقتان دا مۇدىرمەي وتەسىز دەپ كامىل ايتا الامىز. جاراتقان يەمىز جاقسى كۇندەردە, قۋانىشتى جاعدايدا, ناقتى ايتساق ەۋرازيا ۇلتتىق ۋنيۆەرسيتەتىنىڭ 25 جىلدىق مەرەيتويىنىڭ تورىندە كەزدەسۋگە جازسىن!», دەيدى وسى وقۋ ورنىنىڭ رەكتورى ە.سىدىقوۆ.
اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى ت.بالىقباەۆ ءوزى باسقارىپ وتىرعان ءبىلىم وشاعى ۇجىمىنىڭ اتىنان: «كەڭ-بايتاق وتانىمىزدىڭ ءار ايماعىنان ءسىزدىڭ دەنساۋلىعىڭىزعا الاڭداعان جۇرتشىلىقتىڭ جۇرەك ءدۇرسىلى, وزىڭىزگە دەگەن ەلدىڭ شىن تىلەكتەستىگى اقپاراتتار الەمىن دۇبىرلەتۋدە. بۇل تۋعان حالقىڭىزدىڭ ەلباسىنا دەگەن سۇيىسپەنشىلىگىنىڭ جارقىن كورىنىسى دەپ بىلەمىن. جاراتىلىسى بولەك, رۋحى كۇشتى, جىگەرى قۇرىش, قاجىر قايراتى تولاعاي ءسىزدىڭ بۇل سىننان دا جاسىنداي جارقىلداپ وتە شىعاتىنىڭىزعا سەنەمىن جانە وسىعان تىلەكتەسپىن», دەگەن تىلەگىن جەتكىزىپتى.
نازارباەۆ ۋنيۆەرسيتەتتىڭ باسشىسى ش.كاتسۋ: «نازارباەۆ ۋنيۆەرسيتەتتىڭ ستۋدەنتتەرى, اتا-انالارى جانە بارلىق قاۋىمداستىعى اتىنان سىزگە شىن كوڭىلدەن دەنىڭىزگە ساۋلىق, قاجىماس كۇش-قۋات, ۇزاق عۇمىر تىلەيمىز. ءبىز سىزبەن بىرگەمىز!» دەيدى ءوز حاتىندا.
ء«سىز ينجەنەرلىك ءبىلىم نەگىزدەرىن العان جوعارى وقۋ ورنى – قاراعاندى مەملەكەتتىك تەحنيكالىق ۋنيۆەرسيتەتىنىڭ وقىتۋشىلارى, قىزمەتكەرلەرى, دوكتورانتتارى, ماگيسترانتتارى مەن ستۋدەنتتەرى, سان مىڭداعان ۇجىمى شىن جۇرەكتەن ءسىزدىڭ تەزىرەك ساۋىعىپ كەتۋىڭىزدى تىلەيدى. مۇقالماس ەرىك-جىگەرىڭىز, كۇشتى مىنەزىڭىز, وپتيميستىگىڭىز وسى قيىن سىن-قاتەردى تەز جەڭەدى دەپ سەنەمىز. شىن جۇرەكتەن سىزگە زور دەنساۋلىق تىلەيمىز», دەيدى قاراعاندى مەملەكەتتىك تەحنيكالىق ۋنيۆەرسيتەتىنىڭ رەكتورى م.يباتوۆ.
ء«سىز جۇرگىزگەن سىندارلى ساياسات پەن رەفورمالار تاۋەلسىز قازاقستان تۇرعىندارىنىڭ ءال-اۋقاتىنا تەك جاقسى جاعىنان اسەر ەتتى. نۇرسۇلتان ءابىش ۇلى, ءبىز قاراپايىم جۇمىسشى تاپ وكىلدەرى ءسىزدىڭ تەزىرەك ساۋىعۋىڭىزدى تىلەيمىز. قازىر مىڭداعان قاراعاندىلىقتىڭ وزىڭىزگە قولداۋ ءبىلدىرىپ وتىرعانىن بىلسەڭىز دەيمىز», دەپتى ىزگى نيەتپەن «YDD Corporation» قاراعاندى فەرروقورىتپا زاۋىتىنىڭ, «Qazaq Carbon» قۇيۋ زاۋىتتارى بىرلەستىگىنىڭ ۇجىمى جانە اكتسيونەرلەر ە.نىعماتۋلين, د.كەمەرتەليدزە, ج.اپپاز.
«استانا بالەت» تەاترىنىڭ ۇجىمى اتىنان مەكەمە ديرەكتورى ا.ساۆوستيانوۆ ءوز قولداۋىن بىلاي جەتكىزىپتى: «مادەنيەت سالاسىنا دەگەن ەرەكشە ىقىلاسىڭىزدىڭ ارقاسىندا ەلىمىزدىڭ ونەرىن حالىقارالىق ارەنادا ماقتانىشپەن تانىستىرىپ جۇرگەن قايتالانباس شىعارماشىلىق ۇجىمدار قالىپتاستى. وزىڭىزگە زور دەنساۋلىق پەن تەزىرەك ساۋىعىپ كەتۋىڭىزدى تىلەيدى».
قازاقستاننىڭ ترياتلون فەدەراتسياسىنىڭ سپورتشىلارى ەلباسىنا «فەدەراتسيا سپورتشىلارىنىڭ اتىنان دەنىڭىزگە ساۋلىق, مىقتى رۋح پەن جاقسىلىق تىلەيمىز. بارشا قازاقستاندىققا ۇلگى بولعان كۇش-قۋاتىڭىز وسى جولعى سىناقتان دا جەڭىمپاز بولىپ شىعۋىڭىزعا كومەكتەسەتىنىنە سەنىمدىمىز», دەگەن لەبىزدەرىن ارنادى.
قازاقستان رەسپۋبليكالىق كاسىبي بوكس فەدەراتسياسىنىڭ پرەزيدەنتى ە.بەكحوجين: «دۇنيە ءجۇزىن جاۋلاپ العان ۆيرۋس قازاقستاننىڭ تۇڭعىش پرەزيدەنتى نۇرسۇلتان ءابىش ۇلىن دا اينالىپ وتپەگەنىن ەستىپ, زور قايعىدا قالدىق. ەلباسىنىڭ بويىنا قۋات, باقىتتى عۇمىر, ۇزاق ءومىر تىلەيمىز!» دەيدى.
«سامۇرىق-قازىنا» اق كومپانيالار توبىنىڭ 300 مىڭنان استام قىزمەتكەرى: ء«سىزدىڭ تەز ارادا ساۋىعىپ كەتۋىڭىزدى تىلەيمىز. بارشا الەمدى جايلاعان داعدارىس جاعدايىندا ءسىزدىڭ ەرەكشە قامقورلىعىڭىزدى جانە مەيىرىمىڭىزدى سەزىندىك. ءبىز سىزگە ءاردايىم تىلەكتەسپىز. بۇل دەرتتى تەز ارادا جەڭەتىنىڭىزگە سەنىمدىمىز», دەپتى ءوز حاتتارىندا.
نازارباەۆ ۋنيۆەرسيتەتتىڭ بارلىق ستۋدەنتتەرى مەن تۇلەكتەرى دە ەلباسىنا وزدەرىنىڭ قولداۋلارىن جەتكىزدى.
ەلورداداعى ۇلتتىق مۋزەيدىڭ ديرەكتورى ارىستانبەك مۇحامەدي ۇلى تۇڭعىش پرەزيدەنتكە تىلەكتەس ەكەنىن تانىتىپ: «مۋزەي قىزمەتكەرلەرى ءسىز ارتقان سەنىمدى اقتاۋ جولىندا ەڭسەلى ەڭبەك ەتىپ كەلەدى. قازاقستان رەسپۋبليكاسى ۇلتتىق مۋزەيىنىڭ ۇجىمى سىزگە زور دەنساۋلىق جانە تەزىرەك ساۋىعىپ كەتۋىڭىزدى تىلەيدى!» دەدى ءوز حاتىندا.
سونىمەن قاتار ERG كومپانيالار توبىنىڭ, سوكولوۆ-سارىباي وندىرىستىك بىرلەستىگىنىڭ, «Ahsel Holding», «سانتەحپروم» جشس, «تەمىرتاۋ ەلەكتر مەتاللۋرگيالىق كومبيناتى» اق, «ورتالىق ازيا وتىن-ەنەرگەتيكالىق كومپانياسى» اق, «اك التىنالماس» اق, «سارى كازنا» جشس, «قازاقستان ءاليۋمينيى» اق جانە باسقا دا كوپتەگەن قۇرىلىمنىڭ ەڭبەك ۇجىمدارى, باسشىلارى جانە جەكەلەگەن ازاماتتار ەلباسىنا وزدەرىنىڭ ىستىق ىقىلاستارىن ءبىلدىرىپ, ساۋىعىپ كەتۋىن تىلەگەن حاتتارىن جولداۋدا.