تۇركىستاننىڭ ەڭ قۇندى جاۋھارى - قوجا احمەت ياساۋي كەسەنەسىن قايتا جاڭعىرتۋ جۇمىستارى يۋنەسكو نازارىندا. قالا اكىمى راشيد ابات ۇلى مادەنيەت جانە سپورت مينيسترلىگىنىڭ ۇيىمداستىرۋىمەن وتكەن ونلاين بەينەباينالىستا يۋنەسكو-نىڭ بۇكىلالەمدىك مۇرا كوميتەتى مۇشەلەرىمەن تىلدەستى, دەپ جازادى Egemen.kz
يۋنەسكو حالىقارالىق ۇيىمىنىڭ بۇكىل الەمدىك مۇرا كوميتەتىنىڭ ازيا جانە تىنىق مۇحيتى ءوڭىرى ءبولىمىنىڭ باسشىسى, حالىقارالىق دەڭگەيدەگى ساراپشى فەنگ دجينگ توراعالىعىمەن وتكەن بەينەبايلانىس 3 ساعاتقا سوزىلدى. وندا تۇركىستان قالاسىنىڭ مۇمكىندىگىن ءتيىمدى پايدالانۋ تۋرالى ايتىلدى. سونداي-اق قوجا احمەت ياساۋي كەسەنەسى اينالاسىن الەمدىك مۇرا رەتىندە قايتا جاڭعىرتۋ تاقىرىبى كوتەرىلىپ, قاتىسقان 48 ساراپشى ىسكە اسىپ جاتقان جۇمىستاردىڭ وڭ باعىتتا ەكەندىگىنە قولداۋ بىلدىرگەن.