تۋريزم سالاسىن دامىتۋ – باستى نازاردا. جۋىردا ماڭعىستاۋدىڭ تۋريستىك الەۋەتىن ىلگەرىلەتۋ ماقساتىندا بىرەگەي برەند-بۋك جاساقتالىپ, لوگوتيپى ازىرلەندى. تۋريزم سالاسىن دامىتۋ – باستى نازاردا. جۋىردا ماڭعىستاۋدىڭ تۋريستىك الەۋەتىن ىلگەرىلەتۋ ماقساتىندا بىرەگەي برەند-بۋك جاساقتالىپ, لوگوتيپى ازىرلەندى.
برەند-بۋكتا اقتاۋ قالاسىنىڭ تۋريستەرگە ارنالعان جولكورسەتكىشى, شاھاردىڭ تۋريستىك كارتاسى مەن تەڭىز جاعالاۋى اۋماعىنىڭ كارتاسى جاساقتالدى. سونداي-اق بۋكلەتتە ءوڭىردىڭ جانە اقتاۋ قالاسىنىڭ 10 كورىكتى جەرى, قىزمەت كورسەتەتىن مەكەمەلەرى تۋرالى وزگە دە اقپاراتتار ورنالاسقان. اقتاۋداعى اۆتوبۋس مارشرۋتتارى, سۋرەتكە تۇسەتىن ورىندار, كەمەمەن ساياحاتتاۋ ايالدامالارى, دەمالىس ورىندارى جايىنداعى مالىمەتتەردىڭ بارلىعى دەرلىك كورىنىس تاپقان. اقتاۋ قالاسىنىڭ اۋەجايىندا, قوناق- ۇيلەرىندە اقپاراتتىق تاقتايشالار ورنالاستىرۋ جۇمىستارى باستالدى. اقپاراتتىق تاقتايشالاردا تۋريستىك وپەراتورلار وزدەرىنىڭ تۋر مارشرۋتتارىن ۇسىناتىن بولادى.
«Visitmangystau.kz» سايتى, ينستاگرامم, فەيسبۋك پاراقشالارى ىسكە قوسىلدى, مۇندا ماڭعىستاۋ وبلىسى مەن اقتاۋ قالاسىنىڭ كورىكتى جەرلەرى, تۋريستەرگە قاجەتتى بارلىق اقپارات ەنگىزىلگەن. سونىمەن قاتار قالاداعى ايالدامالاردا ايماقتىڭ, اقتاۋ قالاسىنىڭ كورىكتى جەرلەرى تۋرالى اقپاراتتاردى ورنالاستىرۋ ۇسىنىلدى. «كاسپي» الەۋمەتتىك-كاسىپكەرلىك كورپوراتسياسى» مەكەمەسىنىڭ اقتاۋ-اۋەجاي باعىتىنداعى جولاۋشىلار اۆتوبۋسىنا, جاڭادان كەلەتىن اۆتوبۋستارعا بەزەندىرۋ ۇسىنىلادى. سونىمەن قاتار اقتاۋ-اۋەجاي باعىتىنداعى جولاۋشىلار اۆتوبۋسىنىڭ مارشرۋتىن جاعاجاي اۋماعىنا دەيىن سوزۋ جۇمىستارى جۇرگىزىلۋدە.
ءوڭىر باسشىلىعى تۋريزم سالاسىنداعى تىڭ يدەيالارعا قولداۋ كورسەتىپ, تۋريستىك جوبالاردىڭ باستاماشىلارىنا بارىنشا كومەك كورسەتىلەتىندىگىن ايتۋدا.
ماڭعىستاۋ وبلىسى