اتىراۋلىق ۆولونتەرلار ەلباسىنىڭ العىس حاتىنا يە بولدى

Nur Otan پارتياسى اتىراۋ وبلىستىق فيليالىنىڭ توراعاسى, وبلىس اكىمى ماحامبەت دوسمۇحامبەتوۆتىڭ ءمالىم ەتۋىنشە, وڭىردە "Biz Birgemiz!" اكتسياسى اياسىندا 9000-نان استام وتباسىعا 222 ميلليون تەڭگەنىڭ كومەگى كورسەتىلگەن. اتاپ ايتقاندا, جالعىزباستى قارتتارعا, تۇرمىسى تومەن كوپ بالالى وتباسىلارعا, ەرەكشە قاجەتتىلىكتەرى بار ازاماتتار مەن باسقا دا مۇقتاج جاندارعا الەۋمەتتىك پاكەتتەر  ۇلەستىرىلگەن. ازىق-ت ۇلىك سەبەتىن 300-دەن اسا پارتيا بەلسەندىلەرى مەن ەرىكتىلەر جەتكىزىپ  بەرگەن.

"ەلباسى, پارتيا توراعاسى ن.ءا.نازارباەۆتىڭ باستاماسىمەن قۇرىلعان "Birgemiz" رەسپۋبليكالىق قوعامدىق قورىنان "Birgemiz-Atyrau" ايماقتىق قوعامدىق قورىنا 787 ملن. تەڭگە قاراجات ءتۇستى. بۇل قارجى اتىراۋ قالاسىنان, جىلىوي, ماقات, ماحامبەت, يساتاي اۋداندارىنان 7 سانات بويىنشا انىقتالعان مۇقتاج 15 741 ازاماتقا 50 مىڭ تەڭگەدەن بەرىلدى.  الداعى ۋاقىتتا قۇرمانعازى, قىزىلقوعا جانە يندەر اۋداندارىنىڭ مۇقتاج 3904 ازاماتىنا 50 مىڭ تەڭگە مولشەرىندە كومەك كورسەتۋ جوسپارلانۋدا", -دەدى وبلىس اكىمى ماحامبەت دوسمۇحامبەتوۆ.

سونداي-اق اتىراۋدان سۋ تاسقىنىنان زارداپ شەككەن تۇركىستان وبلىسىنىڭ ماقتارال اۋدانىنا  150 توننا ازىق-ت ۇلىك, كيىم-كەشەك تيەلگەن گۋمانيتارلىق كومەك پەن 20 توننا بالىق جونەلتىلگەن. قوسىمشا قارجىلاي كومەكتەر جىبەرىلگەن.  

"وسىنداي جۇمىستاردى ۇيىمداستىرۋدا العى شەپتەن كورىندىڭىزدەر. ىىندەتتىڭ ءورشىپ تۇرعانىنا قاراماستان, ۆولونتەرلىق قىزمەتتەرىڭىزدى ادال ورىنداپ, مۇقتاج جاندارعا كومەكتەسكەندەرىڭىز ءۇشىن العىس بىلدىرەمىن", -دەدى وبلىس اكىمى.