فۋتبولدان گەرمانيا چەمپيوناتىنىڭ 32 تۋرىندا ميۋنحەننىڭ "باۆارياسىنىڭ" جارتىلاي قورعاۋشىسى الفونسو دەۆيس رەكوردتىق كورسەتكىشكە قول جەتكىزدى, - دەپ حابارلايدى Egemen.kz.
برەمەننىڭ "ۆەردەرىنە" قارسى كەزدەسۋدىڭ ءبىر ەپيزودىندا ول ساعاتىنا 36,51 شاقىرىمدىق جىلدامدىقپەن جۇيتكىدى. وسىلايشا, دەۆيستىڭ ەسىمى ەڭ جىلدام ويىنشى رەتىندە بۋندەسليگا تاريحىنا جازىلدى. بۇعان دەيىنگى رەكوردتىق كورسەتكىش دورتمۋندتىڭ "بورۋسسيا" كلۋبىنىڭ قورعاۋشىسى اشاراف حاكيميگە تيەس تيەسىلى ەدى. بىلتىرعى جىلدىڭ جەلتوقسان ايىندا وتكەن ويىنداردىڭ بىرىندە ماروككولىق فۋتبولشى 36,2 شاقىرىمدىق جىلدامدىقپەن جۇگىرگەن ەدى.
جاڭا رەكوردشىنى جاقىنىراق تانىستىراتىن بولساق, 19 جاستاعى الفونسو دەۆيس گانانىڭ تۋماسى. بەس جاسىندا ول اتا-اناسىمەن بىرگە كاناداعا قونىس اۋداردى. سول جاقتا ءجۇرىپ, فۋتبولدىڭ قىر-سىرىنا قانىقتى. ءبىراز ۋاقىت جەرگىلىكتى كوماندالاردىڭ ساپىندا ونەر كورسەتكەن دەۆيس 2018 جىلى "باۆاريانىڭ" جەيدەسىن كيدى.