بۇگىن الماتى قالاسىنىڭ اكىمى جۇمىس ساپارى بارىسىندا اۋەزوۆ اۋدانىنداعى جەڭىل ونەركاسىپ ورىندارى مەن پوليەتيلەن قۇبىرىن شىعاراتىن زاۋىتتا بولدى, - دەپ جازادى Egemen.kz
"سپيرا-بەرگا" زاۋىتىندا گاز جانە سۋمەن قامتۋ, سۋ قۇبىرىنىڭ ينجەنەرلىك جەلىلەرى ءۇشىن پوليەتيلەن قۇبىرلارىن شىعارۋ دۇرىس جولعا قويىلعان. زاۋىتتىڭ وندىرىستىك قۋاتتىلىعى جوعارى, مۇندا جىلىنا 8 مىڭ توننادان استام ءونىم شىعارىلادى. 75 جۇمىس ورنى قۇرىلدى.
قالا اكىمى التى جەلى ارقىلى اتقارىلاتىن ءوندىرىس ۇردىسىمەن تانىستى. جۇمىس پروتسەسستەرىنىڭ باسىم بولىگى اۆتوماتتاندىرىلعان, ونىڭ ىشىندە تسيفرلىق باقىلاۋ جانە بارلىق جۇمىس توراپتارى مەن اگرەگاتتارىنىڭ پارامەترلەرىن باسقارۋ دا بار.
مەملەكەتتىك قولداۋ شارالارىنىڭ ارقاسىندا كاسىپورىن جابدىقتارىن مودەرنيزاتسيالاۋدا, ال بۇل جۇمىس ساپاسىن ارتتىرىپ, قۇبىرلاردى مەحانيكالىق جانە ۋلتراكۇلگىن ساۋلەلەردەن زاقىمدانۋدان قورعاۋدا. زاۋىت الماتىنىڭ سۋ, گاز, كارىز قۇبىرلارىنا, سونىمەن قاتار كابەلدەردى سۋارۋ جانە قۇرعاتۋ جۇيەلەرىن قورعايتىن قۇبىرلارعا دەگەن سۇرانىسىن قامتاماسىز ەتە الادى.
قالا باسشىسى جۇمىس ساپارى بارىسىندا قۇبىرلار اسسورتيمەنتىن يگەرۋ مەن "اتامەكەن" ۇلتتىق كاسىپكەرلەر پالاتاسىمەن جانە مەردىگەرلىك كومپانيالارمەن بىرگە كاسىپورىنداردىڭ تاپسىرىس بەرۋ ماسەلەسىن قاراستىرۋدى تاپسىردى.
سونىمەن قاتار قالا اكىمى "مانۋفاكتۋرا 24" جشس ايەلدەردىڭ ديزاينەرلىك كيىمدەر شىعاراتىن وندىرىستىك تسەحىندا بولدى. مۇندا 24 ادام جۇمىس ىستەيدى.
ب. ساعىنتاەۆ قالاعا بەلگىلى ءبىر تاۋارلارعا جانە قىزمەتتەرگە دەگەن سۇرانىستى قانعاتتاندىراتىن ءارى ساپالى جۇمىس ورىندارىن اشاتىن وسىنداي شوب كاسىپورىندارىنىڭ قاجەت ەكەنىن اتاپ ءوتتى.