بۇگىن تۇسكە دەيىن كوروناۆيرۋس ينفەكتسياسىنان ءبىر ناۋقاس كوز جۇمعان ەدى. ەندى تاعى ەكى ادام و دۇنيەلىك بولدى, - دەپ حابارلايدى Egemen.kz.
بۇل تۋرالى اقپارات تاراتقان وبلىستىق دەنساۋلىق ساقتاۋ باسقارماسىنىڭ مالىمەتىنە سۇيەنسەك, قايتىس بولعانداردىڭ ەكەۋى دە – ەر ادام.
"ونىڭ ءبىرى –55 جاستا, ەكىنشىسى –57 جاستاعى قۇلسارى قالاسىنىڭ تۇرعىنى. العاشقى ناۋقاس پروۆيزورلىق ستاتسيونارعا تۇسكەنگە دەيىن 5 كۇن اۋىرعان. سونان سوڭ ەمحاناعا مەديتسينالىق كومەك الۋعا جۇگىنگەن. اۋرۋحاناعا تۇسكەن كەزدە ەكى ناۋقاستا دا ينتوكسيكاتسيالىق سيندروم بولىپ, دەم جەتپەگەن. ناۋقاستاردىڭ جاعدايى وتە اۋىر بولدى. ولارعا كوروناۆيرۋس ينفەكتسياسى, ەكى جاقتى پولەتسەگمەنتتىك پنەۆمونيا دياگنوزى قويىلعان ەدى", - دەپ حابارلادى وبلىستىق دەنساۋلىق ساقتاۋ باسقارماسىنان.
وسىلايشا, قاۋىپتى ىندەتكە شالدىققان ناۋقاستاردان قايتىس بولعاندار 6 ادامعا جەتىپ وتىر.
اتىراۋ وبلىسى