پاۆلودار وبلىسىندا ورمان ورتەندى

"13 ماۋسىم 12:55 كەزىندە "ەرتىس ورمانى" مەملەكەتتىك تابيعي رەزەرۆاتى شالداي فيليالىنىڭ گالكين ورمان شارۋاشىلىعى اۋماعىندا ورمان ورتەنىپ جاتقانى بەلگىلى بولدى. قازىرگى تاڭدا رەزەرۆات پەن "قازاۆيالەسووحرانا" كاسىپورنى قىزمەتكەرلەرى ءتىلسىز جاۋدى اۋىزدىقتاۋعا كۇش سالىپ جاتىر. بۇل ىسكە جەكە قۇرامنان 6 ادام مىنگەن مي-2 تىكۇشاعى, 5 ءورت ءسوندىرۋ ماشيناسى, 2 تراكتور مەن 2 جەڭىل كولىك جۇمىلدىرىلعان. جالپى قانشا ادامنىڭ جالىنمەن ارپالىسىپ جاتقانى ناقتىلانىپ جاتىر.

ءورتتىڭ سەبەبى - نايزاعاي رازريادى. ءورت شىققان ساتتە اۋا تەمپەراتۋراسى +34 س قۇرادى. وڭتۇستىك-باتىس باعىتتاعى جەل جىلدامدىعى 10 م / س قۇراپ وتىر. ءورتتىڭ بولجامدى الاڭى 100 گا (ورمان داقىلدارى). قازىرگى ۋاقىتتا ءورت ءسوندىرۋ جۇمىستارى جۇرگىزىلۋدە", - دەپ جازدى ول.