ءماجىلىس كوروناۆيرۋستىق ينفەكتسيانىڭ تارالماۋى ءۇشىن بارلىق قاجەتتى شارالاردى قابىلداۋدا. الايدا, كوروناۆيرۋستىق ينفەكتسيانى انىقتاۋعا ارنالعان تەست ءماجىلىس دەپۋتاتتارىنىڭ بىرىندە وڭ ناتيجە كورسەتتى. بۇل تۋرالى ءماجىلىستىڭ ءباسپاسوز قىزمەتى حابارلادى.
قازىرگى ۋاقىتتا ءماجىلىس دەپۋتاتى بەكبولات تىلەۋحاننان كوروناۆيرۋستىق ينفەكتسيا انىقتالىپ, ول قاجەتتى ەمدەۋ كۋرسىن قابىلداۋدا. ءماجىلىس دەپۋتاتى ينفەكتسيا انىقتاعانعا دەيىن قاشىقتان جۇمىس ىستەۋ رەجيمىندە بولعان. بۇگىنگى تاڭدا دەپۋتاتتىق كورپۋستان دا, اپپارات قىزمەتكەرلەرىنەن دە اتالعان اۋرۋ بەلگىلەرى انىقتالعان جوق.
دەپۋتاتتارعا كارانتيننىڭ العاشقى كۇندەرىنەن باستاپ, ءماجىلىس عيماراتىندا جالپى وتىرىس كۇندەرى, سونداي-اق نەگىزگى زاڭ جوبالارى بويىنشا كوميتەتتەر مەن جۇمىس توپتارىنىڭ وتىرىستارىندا عانا كەلۋگە كەڭەس بەرىلدى.وسى تۇرعىدا, جاسى 65-تەن اسقان ءماجىلىس دەپۋتاتتارى قاشىقتىقتان جۇمىس ىستەۋ رەجيمىنە ءوتتى. بارلىق جالپى وتىرىستار ونلاين رەجيمىندە تاراتىلۋدا. جۇمىس توپتارىنىڭ جەتەكشىلەرى زاڭ جوبالارى بويىنشا جۇمىستى بايلانىستىڭ قازىرگى تۇرلەرى اۋديو-ۆيدەو كونفەرەنتسيالار, كونفەرەنتسيالىق قوڭىراۋلار جانە ت.ب.ارقىلى ۇيىمداستىرۋدا. ءماجىلىس عيماراتىندا كارانتيننىڭ العاشقى كۇندەرىنەن باستاپ كوروناۆيرۋستىق ينفەكتسيانىڭ تارالۋىن بولدىرمايتىن ساقتىق شارالارى ەنگىزىلدى.
ەپيدەميولوگيالىق باقىلاۋ ءۇشىن عيماراتتىڭ كىرەبەرىستەرى مەديتسينالىق جىلۋ ولشەگىشتەر جانە انتيسەپتيكالىق زاتتارمەن جابدىقتالىپ, عيمارات دەزينفەكتسيالىق قۇرالدارمەن وڭدەلىپ, ماسكالىق ءتارتىپ قاتاڭ ساقتالۋدا. سونداي-اق, اپپارات قىزمەتكەرلەرى اراسىنداعى الەۋمەتتىك قاشىقتىق ورناتىلىپ, ولاردىڭ 80%-ى قاشىقتاعى جۇمىس تارتىبىنە اۋىستى.
سونىمەن قاتار, جالپى وتىرىسقا قاتىساتىن ءماجىلىس دەپۋتاتتارى جانە اپپارات قىزمەتكەرلەرى ۇنەمى كوروناۆيرۋستىق ينفەكتسياعا قارسى تەستتەر تاپسىرادى.