مۇمكىندىگى شەكتەۋلى ادامدار دا وزگەلەر سەكىلدى شارۋاسىمەن ءتۇرلى نىساندارعا بارادى. سول سەبەپتەن, ولارعا قولجەتىمدى ورتا قۇرۋ ماقساتىندا 3141 نىسان قۇجاتتاندىرىلدى, - دەپ حابارلايدى Egemen.kz.
وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ءالفيا تولەعاريەۆانىڭ دەرەگىنە سۇيەنسەك, اتىراۋدا تىركەلگەن مۇمكىندىگى شەكتەۋلى جاندار 23 000-نان اسادى. ولاردىڭ اراسىندا ءبىرىنشى توپتا 1 895 ادام بولسا, ەكىنشى توپتاعىسى – 9 629. سونداي-اق ءۇشىنشى توپ ساناتىندا 8 049 ادام بار. ال, 3 688 بالانىڭ مۇمكىندىگى شەكتەلگەن.
"قازىرگى ۋاقىتتا وبلىستاعى الەۋمەتتىك ينفراقۇرىلىمدىق نىسانداردىڭ بارلىعى قۇجاتتاندىرىلدى. ونىڭ ىشىندە ەستۋ, كورۋ قابىلەتى تومەن, ارباعا تاڭىلعان جاندارعا كەدەرگىسىز ورتا قالىپتاستىرۋ ءۇشىن 1 389 نىسانعا بەيىمدەۋ جۇمىستارى جۇرگىزىلدى", - دەدى ءالفيا تولەعاريەۆا.
ونىڭ ءمالىم ەتۋىنشە, جىل باسىنان بەرى مۇمكىندىگى شەكتەۋلى جاندار 1 303 وڭالتۋ تەحنيكالىق قۇرالدارىمەن قامتاماسىز ەتىلىپتى.