مەملەكەت باسشىسى قاسىم-جومارت توقاەۆ رەسەي پرەزيدەنتى ۆلاديمير پۋتينگە قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى قاسىم-جومارت توقاەۆ جەدەلحاتتا رەسەي پرەزيدەنتى ۆلاديمير ءپۋتيندى جانە بارشا رەسەيلىكتەردى ۇلتتىق مەرەكەلەرى – رەسەي كۇنىمەن قۇتتىقتادى.
– رەسەي فەدەراتسياسى ءوزىنىڭ جاڭا تاريحىندا وسى اتاۋلى كۇندى حالىقارالىق تۇراقتىلىق پەن قاۋىپسىزدىكتى قامتاماسىز ەتۋگە, جاڭا سىن-تەگەۋرىندەر مەن قاتەرلەرگە قارسى ءىس-قيمىلدارعا, الەمدىك قاۋىمداستىق مۇشەلەرى اراسىنداعى ءوزارا ءتيىمدى جانە ءادىل ىنتىماقتاستىقتى دامىتۋعا ۇلكەن ۇلەس قوسىپ وتىرعان قۋاتتى ءارى بەدەلدى دەرجاۆا رەتىندە اتاپ وتەدى. ءسىزدىڭ ستراتەگيالىق باعىتىڭىزدى قاتاڭ ۇستانا وتىرىپ, رەسەي مەملەكەتتىك قۇرىلىمنىڭ سان عاسىرلىق ءداستۇرىن تابىستى ارتتىرىپ, قوعامدىق ءومىردىڭ بارلىق سالاسىن دايەكتى تۇردە جاڭعىرتىپ كەلەدى, – دەلىنگەن جەدەلحاتتا.
سونىمەن قاتار قازاقستان پرەزيدەنتى رەسەيلىكتەردىڭ پاتريوتيزم مەن بىرلىككە بەيىلدىگى, وتاندارىنا دەگەن ماقتانىش سەزىمى مەن جارقىن بولاشاققا دەگەن نىق سەنىمى رەسەي مەملەكەتىنىڭ تۇراقتى دامۋىنا جانە ءال-اۋقاتىنىڭ ارتۋىنا كەپىل بولاتىنىن اتاپ ءوتتى.
قاسىم-جومارت توقاەۆ ۆلاديمير پۋتينگە قازاقستان مەن رەسەي اراسىنداعى دوستىق بايلانىستى جانە وداقتاستىقتى ودان ءارى نىعايتۋعا باعىتتالعان جەمىستى ەڭبەگى ءۇشىن ريزاشىلىعىن ءبىلدىردى.