قاراعاندى وبلىسىندا وتكەن تاۋلىك ىشىندە 50 ادامنىڭ كوروناۆيرۋس ينفەكتسياسىن جۇقتىرعانى زەرتحانالىق نەگىزدە راستالدى. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
اۋرۋعا شالدىققاندار بۇرىن جۇقتىرعاندارمەن جاقىن قارىم-قاتىناستا بولعان ادامداردى تەكسەرۋ كەزىندە جانە سكرينينگ بارىسىندا انىقتالعان.⠀
پاتسيەنتتەردىڭ باسىم كوپشىلىگى, ناقتى ايتقاندا 41 ادام قاراعاندى قالاسىنان. اۋرۋ جۇقتىرعاندار اراسىندا شەت اۋدانىنىڭ التى تۇرعىنى بار. سونداي-اق, تەمىرتاۋ, ساران قالالارى مەن اباي اۋدانىنىڭ ءۇش تۇرعىنىنان دا كۆي انىقتالدى.
دارىگەرلەردىڭ ايتۋىنشا, جۇقپالى اۋرۋلار ستاتسيونارلارىنا جاتقىزىلعان ناۋقاستاردىڭ دەنساۋلىق جاعدايى قاناعاتتانارلىق دارەجەدە. قازىرگى ۋاقىتتا ولار ءتيىستى ەم كومەگىن الىپ جاتىر.⠀ىندەت وشاقتارىندا دەزينفەكتسيا جۇمىستارى جۇرگىزىلگەن.⠀
سوڭعى مالىمەتتەرگە ساي, قاراعاندى وبلىسىندا كۆي جۇقتىرۋدىڭ 1 238 وقيعاسى تىركەلگەن. ونىڭ ىشىندە التى ادام ىندەتتەن كوز جۇمىپ, 530 ادام جازىلىپ شىقتى.
قاراعاندى وبلىسى