قاسىم-جومارت كەمەل ۇلى توقاەۆتىڭ ايقىن باسىمدىقپەن جەڭىسكە جەتىپ, ەل پرەزيدەنتى بولىپ سايلانۋى ەلدىگىمىزدىڭ, بىرلىگىمىزدىڭ جارقىن كۋاسى بولدى. ول ەلباسىنىڭ قاسىندا ءجۇرىپ, ۇلكەن ساياسي مەكتەپتەن وتكەن, مەملەكەتىمىزدىڭ ىشكى جانە سىرتقى ساياساتىن, حالىقارالىق ديپلوماتيانىڭ قىر-سىرىن تەرەڭ مەڭگەرگەن, دۇنيەجۇزىلىك ارەنادا قازاقستاندى لايىقتى تانىتا الاتىن جانە ەلىمىزدىڭ مۇددەسىن جوعارعى دەڭگەيدە قورعاي بىلەتىن تۇلعا رەتىندە كەڭىنەن تانىلدى.
قاسىم-جومارت توقاەۆ پرەزيدەنت بولىپ سايلانعالى ءبىر جىل كولەمىندە نە ىستەلىندى, نە وزگەردى, قانداي تابىستارعا قول جەتتى. وسى ماسەلەنى وي ەلەگىنەن وتكىزسەك, ەڭ الدىمەن ويعا ورالاتىنى ول – ەلىمىزدەگى بيلىكتىڭ كونستيتۋتسياعا ساي دەموكراتيالىق جولمەن اۋىسۋى. بۇل ەل تاريحىنداعى ەرەكشە ساياسي وقيعا بولدى. وتكەن ءبىر جىلدا كوروناۆيرۋس ىندەتى مەن كومىرسۋتەگى شيكىزاتى باعاسىنىڭ قۇلدىراۋىنا قاراماستان ەلىمىزدە قىرۋار ءىس اتقارىلدى.
بىرىنشىدەن, پرەزيدەنتتىڭ باستاماسىمەن ۇلتتىق قوعامدىق سەنىم كەڭەسى قۇرىلدى. ساياسي ارەنادا سەڭ قوزعالدى. پرەزيدەنتىمىزدىڭ ۇسىنىسىمەن قوعامدى دەموكراتيالاندىرۋعا باعىتتالعان زاڭدار قابىلدانىپ, ميتينگىلەر تەك حابارلاما بەرۋ ارقىلى وتكىزىلەتىن بولدى, ساياسي پارتيالاردى قۇرۋ مەن تىركەۋ تالابى ەدəۋىر جەڭىلدەتىلدى. وسىلاردىڭ بارلىعى كوپپارتيالىق جۇيەنى ودان ءəرى نىعايتۋعا سەپتىگىن تيگىزەتىنى ءسوزسىز. سايلاۋ تۋرالى زاڭعا وزگەرىستەر ەنگىزىلىپ, پارتيالاردىڭ سايلاۋ تىزىمىندە əيەلدەر مەن جاستار ءۇشىن 30 پايىزدىق مىندەتتى كۆوتا بەلگىلەندى. بۇل əيەلدەر مەن جاستارعا ەلىمىزدىڭ قوعامدىق-ساياسي ومىرىنە بەلسەنە قاتىسۋ ءۇشىن قوسىمشا مۇمكىندىك بەرەدى. پرەزيدەنتتىڭ ءوزى پارلامەنتتىك وپپوزيتسيا بولۋ كەرەكتىگى تۋرالى ۇسىنىس ەنگىزىپ, وسى تۋرالى زاڭ جوباسى قابىلداندى. ازاماتتاردىڭ ءوتىنىش-تىلەكتەرىن جەدەل قاراستىرۋ ءۇشىن «حالىق ۇنىنە قۇلاق اساتىن مەملەكەت» تۇجىرىمداماسى ۇسىنىلىپ, ول بارلىق دەڭگەيدە ىسكە اسا باستادى. قوعامدا ساياسي پىكىر الۋاندىعى قالىپتى جاعدايعا اينالدى. وسىنىڭ ءبارى كوپشىلىكتىڭ كوڭىلىندە بيلىككە دەگەن سەنىمدى وياتا باستادى. دەموكراتيالىق دامۋ جولىنداعى مۇنداي ناقتى قادامدار ساياسي جۇيەمىزدى ءəرى قاراي دامىتۋعا ءوز ۇلەسىن قوساتىنى ءسوزسىز.
ق.توقاەۆ ءوزىنىڭ ەلباسى جاساپ بەرگەن ساياسي باسقارۋ مەن ساباقتاستىقتى جالعاستىرۋ, əدىلەتتىلىك, العا باسۋ, دامۋ جولىمەن ءجۇرۋ سىندى ۇستانىمدارىنا بەرىك ەكەنىن دالەلدەپ كەلەدى. بيلىكتى قولىنا العان كۇننەن باستاپ, ول بۇل ۇستانىمىنان اينىعان ەمەس.
قازاقستان پرەزيدەنتى ءوزىنىڭ باستى ۇستانىمى ادىلەتتىلىك ەكەنىن ايتا كەلىپ, «ونى جوعالتىپ الۋ ادامزات ءۇشىن دە, ۇلت ءۇشىن دە ءوزىن ءوزى جوعالتىپ الۋمەن بىردەي. ادىلەتتىلىك سالتانات قۇرماعان قوعامدا تەك قايشىلىق, قيىنشىلىق, قۇلدىراۋ ۇستەمدىك ەتەتىنى بەلگىلى. سوندىقتان ادىلەتسىزدىكپەن مەملەكەت, قوعام, ءار ادام كۇن سايىن بىرىگىپ كۇرەسۋىمىز كەرەك. حالقىمىز ايتقانداي, «ادىلەت جولى – اۋىر جول», بىراق اۋىر بولسا دا ودان باسقا تۋرا جول جوق». بۇل ءوز كەزەگىندە قازاقستاننىڭ باسەكەگە قابىلەتتى ەل رەتىندە العا دامۋىنا, ءوز مۇددەمىزدى قورعاۋعا, ءوز ماقساتىمىزعا جەتۋگە جول اشادى. مىنا زامان جالقاۋلىق پەن ماسىلدىقتى, جايباسارلىقتى كوتەرمەيدى. ءبىزدىڭ ەلىمىز ءۇشىن ەڭ باستى ماقسات – حالقىمىزدىڭ ءال-اۋقاتىنىڭ ارتۋى. ءبىزدىڭ ەكونوميكالىق جەتىستىكتەرىمىزدى ءار قازاقستاندىق سەزىنۋى ءتيىس. وعان قول جەتكىزۋ ءۇشىن ءبىز ۇزدىكسىز دامىپ, ۇنەمى ورلەپ, وركەندەۋىمىز كەرەك», دەدى.
مەملەكەت باسشىسى ادام قۇقىعىن قورعاۋعا بارىنشا كوڭىل ءبولىپ, əيەلدەر مەن بالالارعا قاتىستى زورلىق-زومبىلىق, ادام ساۋداسى سىندى قىلمىستارعا قارسى زاڭنامالاردى قاتاڭداتتى, الدىن الۋ شارالارىن كۇشەيتتى.
مەملەكەت باسشىسى əرقاشان قوعام ءۇشىن وزەكتى وقيعالاردىڭ ورتاسىنان تابىلىپ, əلەۋمەتتىك جەلىنىڭ بەلسەندى قولدانۋشىسى رەتىندە, قوعامدى تولعاندىراتىن جاعدايلارعا قاتىستى ءوزىنىڭ پىكىرىن ءبىلدىرىپ, باعاسىن بەرىپ, بيلىك وكىلدەرىنىڭ نازارىن اۋدارىپ وتىرادى. مەملەكەتتىڭ باسقارۋ جۇيەسىنە ەنگىزىلگەن وسىنداي جاڭالىقتار جاڭا ساياسي مəدەنيەتتىڭ قالىپتاسۋىنا جول اشىپ وتىر. وتكەن جىلعى ارىستاعى جارىلىستا دا, قوردايداعى قاقتىعىس پەن ماقتاارالداعى توپان سۋ تاسقىنىندا دا پرەزيدەنت حالىقپەن بىرگە بولىپ, اپات زارداپتارىن تەز ارادا قالپىنا كەلتىرۋدى ءوز باقىلاۋىنا الدى. حالىقتىڭ ءال-اۋقاتىن كوتەرۋ ماقساتىندا, قاسىم-جومارت توقاەۆتىڭ باستاماسىمەن جاعدايى تومەن ازاماتتارعا بىرقاتار جەڭىلدىكتەر جاسالىنۋدا. ەڭ الدىمەن تابىسى تومەن بيۋدجەت قىزمەتكەرلەرىنىڭ جالاقىسى مەن ستۋدەنتتەردىڭ شəكىرتاقىلارى كوتەرىلدى. ودان كەيىن تابىسى تومەن ازاماتتاردىڭ نەسيە قارىزدارىن مەملەكەت ءوز موينىنا الدى. جاعدايى تومەن ءجۇز مىڭداعان ازاماتتىڭ نەسيەلەرىن كەشىرۋ, بەرىلەتىن نەسيەنىڭ پايىزىن ازايتۋ ارقىلى ونىڭ قولجەتىمدىلىگىن قامتاماسىز ەتۋ, كوپبالالى انالارعا بەرىلەتىن جاردەماقىنى كوبەيتۋ جانە ءارى قاراي جەتىلدىرە ءتۇسۋ, باسپانامەن قامتاماسىز ەتۋدىڭ حالىققا قولايلى جولدارىن قاراستىرۋ, ميكرو جانە شاعىن بيزنەس سۋبەكتىلەرىنە سالىق جەڭىلدىكتەرىن ەنگىزۋ, ولاردى تەكسەرۋگە ءۇش جىلعا موراتوري جاريالاۋ سياقتى تاعى باسقا جەڭىلدىكتەر ىسكە اسىرىلا باستادى. مەملەكەت باسشىسىنىڭ ەلىمىزدە ىنتىماقتى, ساياسي تۇراقتىلىق پەن حالىق دوستىعىن نىعايتۋ جولىندا اتقارىپ جاتقان قىزمەتى بۇقارانىڭ مەملەكەتكە دەگەن سەنىمىن ارتتىرىپ, قوعامنىڭ بيلىككە دەگەن كوزقاراسىن وزگەرتۋدە.
ق.توقاەۆتىڭ پرەزيدەنتتىك قىزمەتى الەمدەگى كومىرسۋتەگى شيكىزاتى باعاسىنىڭ 2-3 ەسەگە قۇلدىراۋى مەن كوروناۆيرۋستىق پاندەمياعا بايلانىستى ەلىمىزدەگى قالىپتاسقان اۋىر جاعدايلارعا تۋرا كەلدى. وسىنداي قيىن كەزەڭدە پرەزيدەنت بۇكىل ەلدى ىندەتكە قارسى كۇرەسۋ ءۇشىن جۇدىرىقتاي جۇمىلدىرا ءبىلدى. ەلىمىزدە توتەنشە جاعداي رەجىمى دەر كەزىندە جاريالانىپ, پاندەمياعا قارسى ءىس-شارالار ۋاقتىلى جانە ساپالى اتقارىلۋىنا بايلانىستى ىندەتتىڭ جاپپاي تارالۋىنا جول بەرىلگەن جوق. مۇنى ددۇ, حالىقارالىق ساراپشىلار جوعارى باعالاۋدا. ىندەت ءالى تولىعىمەن جويىلىپ كەتكەن جوق. پاندەميا حالىقتىڭ دەنساۋلىعىنا ءəلى دە قاۋىپتى. ىندەتتى تۇبەگەيلى جويۋ ءۇشىن ءبىز ءارى قاراي دا ءوز ءومىرىمىز ءۇشىن, بالا-شاعامىز, اتا-انامىز, ەلىمىز ءۇشىن جاعدايدىڭ تالابىن تەرەڭ ءتۇسىنىپ, ساقتانىپ, تارتىپكە باعىنىپ, قاراپايىم گيگيەنالىق ساۋاتتىلىق تانىتۋعا ءتيىسپىز. سوندا عانا ءبىز بۇل ىندەتتى ەڭسەرەمىز.
قيىنشىلىقتارعا قاراماستان مەملەكەت ازاماتتارعا, شاعىن جəنە ورتا بيزنەس وكىلدەرىنە قولداۋ كورسەتىپ كەلەدى. پرەزيدەنتىمىزدىڭ پارمەنىمەن داعدارىسقا قارسى شارالار ءۇشىن 6 تريلليون تەڭگەگە جۋىق قارجى ءبولىندى. ەڭ ءبىرىنشى, جۇمىسسىز قالعان ادامدارعا 42 500 تەڭگە مولشەرىندە تولەم جاسالدى. بۇل كومەك 4,2 ميلليون ادامدى قامتىدى. 1 ميلليونداي مۇقتاج وتباسى ازىق-ت ۇلىكپەن جəنە قاجەتتى زاتتارمەن قامتاماسىز ەتىلۋدە. قيىندىققا تاپ بولعان كاسىپكەرلەر ءۇشىن سالىقتار مەن باسقا دا مىندەتتى تولەمدەردى تولەۋ مەرزىمى ۇزارتىلدى. 700 مىڭنان اسا كومپانيا مەن كəسىپكەرلەر ءۇشىن سالىق جۇكتەمەسى ازايتىلدى. سول ارقىلى ولار 1 تريلليون تەڭگەگە جۋىق قارجى ۇنەمدەۋگە مۇمكىندىك الدى. اۋىل شارۋاشىلىعىنا كوكتەمگى ەگىس ناۋقانىن ۇيىمشىلدىقپەن وتكىزۋ جانە ءونىم ءوندىرۋدى مولايتىپ, ازىق-ت ۇلىك قاۋىپسىزدىگىن نىعايتۋ ءۇشىن 200 ملرد تەڭگە قارجى ءبولىندى.
جاڭا ەكونوميكالىق احۋال جاعدايىندا ەكونوميكالىق ءوسۋدى قالپىنا كەلتىرۋ ءۇشىن مەملەكەت باسشىسىنىڭ جارلىعىمەن ەكونوميكالىق ءوسۋدى قالپىنا كەلتىرۋ جونىندەگى مەملەكەتتىك كوميسسيا قۇرىلدى. داعدارىس كەزىندەگى جəنە ودان كەيىن دە دامۋدىڭ ەڭ باسىم باعىتتارى حالىقتى الەۋمەتتىك قورعاۋ, جۇمىسسىزدىقپەن كۇرەسۋ, ەكونوميكانى, ونىڭ ىشىندە شاعىن جانە ورتا بيزنەستى قولداۋ, حالىقتىڭ ءومىرى مەن دەنساۋلىعىن, ازاماتتاردىڭ تابىسىن ارتتىرۋ بولىپ ايقىندالدى. اسىرەسە بۇگىنگى جاعداي ءبىلىم جəنە عىلىم جۇيەسىن, مەديتسينا سالاسىن تۇبەگەيلى رەفورمالاۋدى تالاپ ەتىپ وتىر. ۇلتتىق قوعامدىق سەنىم كەڭەسىنىڭ ءۇشىنشى وتىرىسى نەگىزىنەن, وسى ماسەلەلەرگە ارنالدى. جيىندا مەملەكەت باسشىسى دەنساۋلىق ساقتاۋ مەن ءبىلىم بەرۋ سالاسىن ودان ءارى رەفورمالاۋ بويىنشا ناقتى ۇستانىمدارىن جاريا ەتتى. ءومىر كورسەتكەندەي, ەندى بۇل باعىتتىڭ ماڭىزى ارتا تۇسەدى. ءتىپتى ەكونوميكانىڭ ءوزى سوعان تəۋەلدى بولماق. سوندىقتان ءبىلىم مەن عىلىمدى, مەديتسينا سالاسىن دامىتۋعا ۇلكەن باسىمدىق بەرىلەدى. الداعى 5 جىلدا ءبىلىم سالاسىنا بولىنەتىن قاراجات 6 ەسە, عىلىمعا بولىنەتىن قارجى 7 ەسە وسەتىن بولادى. ال دəرىگەرلەردىڭ ەڭبەكاقىسى كەزەڭ-كەزەڭمەن ءوسىپ, ولاردىڭ ايلىعى 2023 جىلعا قاراي ەكونوميكاداعى ورتاشا جالاقىدان ەكى جارىم ەسە ارتىق بولۋى كوزدەلىپ وتىر.
سونىمەن بىرگە مەملەكەتتىك باسقارۋ جۇيەسىن جاڭارتۋ ءۇشىن ورنىققان جۇمىس ءتəسىلى رەتىندە ۇكىمەتتىڭ, əكىمدىكتەردىڭ ءتۇرلى جيىندارىن قاشىقتان وتكىزۋ, ەسكىرگەن, قاجەتسىز, ۋاقىت پەن قاراجاتتى شىعىندايتىن شارالاردى جويىپ, كەڭەس الۋ, انىقتاما الۋ, ءوتىنىش بەرۋ سياقتى رəسىمدەردى ونلاين رەجىمىنە تولىق كوشىرۋ تالاپ ەتىلدى.
ەلىمىزدە جەتىستىكتەرمەن بىرگە, كەمشىلىكتەر دە جەتەرلىك. اسىرەسە بۇگىنگى تاڭداعى قالىپتاسقان قيىن جاعدايدا ولاردى بىرەر جىلدىڭ ىشىندە شەشىپ تاستاۋ مۇمكىن دە ەمەس. بىراق باعىت – دۇرىس. ءبىز بۇگىنگى تاڭداعى ەلىمىزدە اتقارىلىپ جاتقان وڭ وزگەرىستەردىڭ باياندى بولارىنا تولىق سەنەمىز.
مەملەكەت باسشىسى حالىقارالىق ارەنادا دا ەلىمىزدىڭ مۇددەسىن قورعاي الاتىن ءىرى ساياساتكەر ەكەنىن كورسەتە ءبىلدى. جۋىردا وتكەن جوعارى ەۋرازيالىق ەكونوميكالىق كەڭەستىڭ ونلاين وتىرىسىندا قاسىم-جومارت توقاەۆ 2025 جىلعا دەيىنگى ەۋرازيالىق ەكونوميكالىق ينتەگراتسيانىڭ ستراتەگيالىق دامۋ باعىتتارى تۋرالى قۇجاتتى قابىلداۋ يدەياسىن قولداي وتىرىپ, ستراتەگيانىڭ كەيبىر بولىمدەرىن قايتا تالقىلاپ, ءəلى دە پىسىقتاي ءتۇسۋ كەرەك ەكەنىنە توقتالدى. ەاەو-عا مۇشە ەلدەر اراسىنداعى ەكىجاقتى ىنتىماقتاستىقتىڭ كوپقىرلى ەكەنىن, ونىڭ ەكونوميكالىق, əلەۋمەتتىك, گۋمانيتارلىق قاتىناستاردى قامتيتىنىن, سوندىقتان اتالعان مəسەلەلەردى بەسجاقتى فورماتتا ەۋرازيالىق ەكونوميكالىق كوميسسيانى (ەەك) قاتىستىرا وتىرىپ قاراستىرۋ, ونىڭ ناقتى ىسكە اسۋىن قيىنداتاتىنىن اتاپ ءوتتى. دەنساۋلىق ساقتاۋ, ءبىلىم جəنە عىلىم سالالارىن ەەك قۇزىرەتىنە تولىق كولەمدە بەرۋ, ەاەو-نى قۇرۋ تۋرالى كەلىسىمنىڭ مəنىنە قايشى كەلەتىنىن, وداققا مۇشە مەملەكەتتەردىڭ قىزمەت كورسەتۋ, ءوزارا ساۋدا مəسەلەلەرى بويىنشا ءۇشىنشى ەلمەن وتكىزەتىن ەكىجاقتى كەلىسسوزدەرىنە كوميسسيانىڭ قاتىسۋ قۇقىعىنا كەلىسپەيتىنىن, ەەك-ءتىڭ وكىلەتتىگىن كەڭەيتۋ مəسەلەلەرىنە مۇقيات بولۋعا شاقىرىپ, دəل قازىرگى جاعدايدا ەاەو-مەن ىنتىماقتاستىقتىڭ باسىم باعىتى ەكونوميكانى قايتا قالپىنا كەلتىرۋ بويىنشا قۇرىلۋى كەرەك ەكەنىن, وداقتىڭ شىعىنى كوپ جەكەلەگەن شەشىمدەرىن ورىنداۋ, اتاپ ايتقاندا, قازىرگى داعدارىس جاعدايىندا كەيبىر تاۋار تۇرلەرىن مىندەتتى تۇردە تاڭبالاۋ اسا قاجەت ەمەس ەكەنىن ايتىپ, ەلىمىزدىڭ مۇددەلەرىن ەسكەرەتىن ۇسىنىستار بەردى.
ق.توقاەۆ وتكەن ءبىر جىل ىشىندە ۇلىلارىمىزدى ۇلىقتاپ, ەلدىك, ۇلتتىق قۇندىلىقتاردى əلەمگە ايگىلەدى. ول ۇلى ويشىل بابامىز əل-فارابي مەن دانىشپان ابايدىڭ مەرەيتويلارىن, التىن وردانىڭ 750 جىلدىعىن جوعارى دارەجەدە اتاپ ءوتۋ ارقىلى تاريحىمىزدى جاستاردىڭ ساناسىنا سىڭىرۋگە, ۇلى تۇلعالارىمىزدى كەڭىنەن دارىپتەۋگە, قازاقتى الەمگە تانىتۋعا ەرەكشە ماڭىز بەرۋ كەرەكتىگىنە توقتالدى.
ۇلتتىق مۇددە, ۇلتتىق قۇندىلىقتار تۋرالى پرەزيدەنت ق.توقاەۆ بيلىك باسىنا كەلگەننەن كەيىن: «جاڭا سىن-سىناققا توتەپ بەرۋ ءۇشىن, ەڭ الدىمەن, ۇلتتىق قۇندىلىقتاردى قورعاي بىلگەن ءجون. انا ءتىلىمىزدى, سالت-ءدəستۇرىمىزدى, ۇلتتىق سانا-سەزىمدى, قوعامداعى تاتۋلىق پەن كەلىسىمدى, بەرەكە-بىرلىكتى ساقتاي الماساق, كەلەر ۇرپاق ءبىزدى كەشىرمەيدى. Əسىرەسە مەملەكەتتىك ءتىلدىڭ مəسەلەسى وتە ماڭىزدى. ءتىل – ۇلتتىڭ تۇعىرى, ۇرپاقتىڭ عۇمىرى», دەپ يدەولوگيا سالاسىنداعى الدىمىزداعى باستى مىندەتتەردى ايقىنداپ بەردى. مەملەكەت باسشىسىنىڭ مەكتەپتەردەگى ءۇش تىلدىلىك ماسەلەسىنە توقتالىپ, شەت تىلدەرى باستاۋىش سىنىپتاردان كەيىن وقىتىلۋى كەرەك دەگەن ۇسىنىسىن حالقىمىز قۋانا قارسى الدى.
قازاقستان حالقىنىڭ قولداۋىنا تولىق يە بولعان, پرەزيدەنتتىڭ بۇل تاريحي باستامالارى, ۇكىمەت پەن بارلىق دەڭگەيدەگى اتقارۋشى ورگاندارعا, بارلىق مەملەكەتتىك قىزمەتكەرلەر مەن بارشا قازاقستاندىقتارعا ۇلگى, ونەگە, نۇسقاۋ بولىپ قابىلدانىپ, باتىل ءىس-ارەكەتتەر, ناقتى شەشىمدەر رەتىندە ىسكە اسۋى ءتيىس. پرەزيدەنت ايتارىن ايتتى, باعىت-باعدارىن بەردى. ءبىز تاۋەلسىزدىكتىڭ ەڭ باستى شارتى – ءتىل ەكەنىن, ءتىلى جوق ۇلت – ولگەن ۇلت ەكەنىن ءتۇسىنۋىمىز كەرەك. مۇنى ءتۇسىنۋ ءۇشىن بارىمىزگە ازاماتتىق پەن تۋعان ەلگە, جەرگە, تىلگە دەگەن ادالدىق قاجەت. كوپ جىلعى ۇلى دەرجاۆالىق ساياسات ءتىلىمىزدى تۇقىرتتى. ءوز تىلىمىزدە كۇمىلجىپ, وزگە تىلدە سايراپ تۇرامىز. ءدال وسىنداي جاعدايدا قازاق ءتىلىنىڭ دامۋىنا كىم كەپىل؟ ارينە, سول ۇلتتىڭ ءوزى. بۇگىندە ەلىمىزدە قازاق ءتىلىن بىلەتىندەر سانى 77 پايىزدان استى. سولاي بولا تۇرا ەلىمىزدەگى مەملەكەتتىك قىزمەتشىلەردىڭ باسىم كوپشىلىگى ورىس تىلىندە سويلەيدى. حالىقپەن قويان-قولتىق ارالاسىپ جۇمىس ىستەيتىن قاتارداعى قىزمەتشىلەر, مەملەكەتتىك ءتىلدى بىلمەسە, ولار ەلمەن قالاي جۇمىس ىستەمەك؟ مەملەكەت باسشىسىنىڭ «حالىققا ۇنىنە قۇلاق اساتىن مەملەكەت» تۇجىرىمداماسى قالاي جۇزەگە اسىرىلادى؟ وسىنى تۇسىنەتىن ۋاقىت جەتتى. تەك ءتۇسىنىپ قانا قويماي, ارقايسىسىمىز بارىنشا ۇلەس قوسۋىمىز كەرەك. ءبىر-بىرىمىزبەن, بالالارىمىزبەن قازاقشا سويلەسىپ, ۇرپاعىمىزدى ۇلتتىق قۇندىلىقتار نەگىزىندە تاربيەلەۋىمىز قاجەت.
مەملەكەت باسشىسى قاسىم-جومارت توقاەۆتىڭ حالقىمىز ءۇشىن, مەملەكەت مۇددەسى ءۇشىن جاساپ جاتقان قىزمەتى, قولعا العان تاريحي باستامالارى جالپىحالىقتىق قولداۋعا لايىقتى. سوندىقتان بارشامىز پرەزيدەنت توڭىرەگىنە توپتاسىپ, بىرىگىپ, مەملەكەت باسشىسىنىڭ باستامالارىن, يگى ىستەرىن قولداپ, ونى ىسكە اسىرۋعا اتسالىسقانىمىز ابزال.
قۋانىش ايتاحانوۆ,
قوعام قايراتكەرى
نۇر-سۇلتان